గోపిచంద్ 'ప‌క్కా క‌మ‌ర్షియ‌ల్' రిలీజ్ డేట్ లాక్.. టైటిల్ సాంగ్ అదిరిందంతే..

Posted: 02/02/2022 09:21 PM IST

Gopichand and raashii khanna starrer pakka commercial release date out

టాలీవుడ్ యాక్ష‌న్ హీరో, మాచో స్టార్ గోపీచంద్ న‌టిస్తోన్న తాజా ప్రాజెక్టు ‘ప‌క్కా క‌మ‌ర్షియ‌ల్’ విడుదల తేదీని లాక్ చేసుకుంది. కరోనా మహమ్మారి విజృంభించిన నేపథ్యంలో పలు చిత్రాలు షూటింగ్ లతో పాటు విడుదలను కూడా వాయిదా వేసుకున్నాయి. కరోనా మహమ్మారి తన ఉద్దృతిని తగ్గించుకున్న క్రమంలో ధియేటర్లలో ఫుల్ సీటింగ్ కెపాసిటీకి ప్రభుత్వాలు అనుమతిని ఇవ్వడంతో.. ఇక వరుస పెట్టి చిత్రాలు విడుదల అవుతున్నాయి. ఈ క్రమంలో గత ఏడాది అక్టోబర్ 1న విడుదల కావాల్సిన గోపిచంద్ ‘పక్కా కమర్షియల్’ చిత్రం కూడా ఈ ఏడాదికి వాయిదా పడింది. చక్కటి యాక్షన్, కామెడీ, డ్రామా నేప‌థ్యంలో మారుతి రూపోందిస్తున్న ఈ చిత్రాన్ని మే 20న విడుద‌ల చేయ‌నున్నారు.

తాజాగా మేక‌ర్స్ ప‌క్కా క‌మ‌ర్షియ‌ల్ టైటిల్ ట్రాక్ ను విడుద‌ల చేశారు. జీవ‌న్మ‌ర‌ణ ఇతివృత్తంతో న‌వ‌లా ఆధారంగా ప‌క్కా క‌మ‌ర్షియ‌ల్ సాంగ్ రాశారు సిరివెన్నెల సీతారామ శాస్త్రి. పూజ‌లు, పుర‌స్కారాలు, న‌మ‌స్కారాలు అన్నీ ప‌క్కా క‌మ‌ర్షియ‌లే. ఆ దేవుడు..జీవుడు.. భ‌క్తులు..అగ‌ర‌త్తులు అన్నీ ప‌క్కా క‌మ‌ర్షియ‌లే..ఆ గురువులు..శిష్యులు..చ‌దువులు..చ‌ట్ట‌బండ‌లు అన్నీ ప‌క్కా క‌మ‌ర్షియ‌లే అంటూ జాక్స్ బెజోయ్ మ్యూజిక్ కంపోజిష‌న్‌లో వ‌చ్చిన ఈ పాట పెప్పీ వైబ్స్ తో ఫ్రెష్ ఫీల్‌ను క‌లిగిస్తోంది. ఈ చిత్రంలో సత్యరాజ్, రావురమేశ్, అనసూయ భరద్వాజ్ తదితరులు కూడా కీలక పాత్రలు పోషిస్తున్నారు. గీతాఆర్ట్స్, యూవీ క్రియేష‌న్స్ బ్యాన‌ర్లు సంయుక్తంగా నిర్మిస్తున్న ఈ ప్రాజెక్టులో రాశీఖ‌న్నా ఫీ మేల్ లీడ్ రోల్‌లో న‌టిస్తోంది.