గుమ్మడికాయ కొట్టేసిన నాగశౌర్య ‘లక్ష్య’

Posted: 08/30/2021 09:09 PM IST

Naga shaurya lakshya wrapped up shooting

యువనటుడు నాగశౌర్య హీరోగా కొంతకాలంగా రూపోందుతున్న 'లక్ష్య' సినిమాకు చిత్రయూనిట్ ఇవాళ గుమ్మడికాయ కొట్టేసింది. కరోనా కారణంగా షూటింగు విషయంలో జాప్యం జరుగుతూ వచ్చింది. ధీరేంద్ర సంతోష్ జాగర్లపూడి దర్శకత్వం వహించిన ఈ సినిమా, తాజాగా షూటింగు పార్టును పూర్తిచేసుకుంది. ఈ విషయాన్ని అధికారికంగా స్పష్టం చేస్తూ, ఒక పోస్టర్ ను వదిలారు. ఈ సినిమా షూటింగు పార్టును పూర్తిచేశామనీ, త్వరలో థియేటర్లకు తీసుకొచ్చే దిశగా పనులు మొదలయ్యాయని మేకర్స్ తెలియజేశారు.

నారాయణ దాస్ నారంగ్ .. రామ్మోహన్ రావు.. శరత్ మరార్ ఈ సినిమాకి నిర్మాతలుగా వ్యవహరించారు. కాలభైరవ సంగీతాన్ని సమకూర్చాడు. విలువిద్య నేపథ్యంలో ఈ సినిమా నిర్మితమైంది. కెరియర్ పరంగా నాగశౌర్యకి ఇది 20వ సినిమా. ఈ సినిమాలో ఆయన సిక్స్ ప్యాక్ తో కూడిన కొత్త లుక్ తో కనిపించనున్నాడు. ఈ సినిమాలో కేతిక శర్మ ఆయనతో జోడీ కడుతోంది. జగపతిబాబు .. సచిన్ కేడ్కర్ కీలకమైన పాత్రల్లో కనిపించనున్నారు.