ఎంఎస్ ధోని చిత్ర నటుడు సందీప్ నహర్ ఆత్మహత్య

Posted: 02/16/2021 02:28 PM IST

బాలీవుడ్ లో మరో విషాదం అలుముకుంది. యువనటుడు సందీప్ నహర్ ఆత్మహత్యకు పాల్పడటంతో బాలీవుడ్ ఉలిక్కపడింది. టీమిండియా మాజీ రథసారధి మహేంద్ర సింగ్ ధోని జీవిత కథ ఆధరారంగా తెరకెక్కిన ‘ఎంఎస్ ధోని’ ది అన్ టోల్డ్ స్టోరి చిత్రంలో ప్రధాన పాత్రలో నటించిన సుశాంత్ సింగ్ రాజ్ పుత్ మరణం రేపిన గాయం ఇప్పటికీ ఆయన అభిమానులను.. బాలీవుడ్ ప్రేక్షకుల హృదయాలను వీడి వెళ్లకముందే అదే చిత్రంలో నటించిన మరో నటుడు కూడా ఆత్మహత్యకు పాల్పడటం కలకలం రేపుతోంది.

ముంబైలోని గార్ గావ్ ప్రాంతంలోని తన స్వగృహంలో సందీప్ ఈ విపరీత చర్యకు పాల్పడ్డాడు. అంతకుముందు ఆయన తన షేస్ బుక్ అకౌంట్లో ఓ వీడియోను పోస్టు చేయడంలో పాటు సూసైట్ నోట్ కూడా రాసి పెట్టాడు. తన మరణానికి తానే కారణం అంటూ.. తన వ్యక్తిగత సమస్యలతో పాటు భార్యతో విభేదాల కారణంగానే తాను ఈ బలవన్మరణానికి పాల్పడడుతున్నట్లు సూసైడ్ నోట్ లో రాసిపెట్టాడు. పరిస్థితులను ఎలా సమన్వయం చేసుకోవాలో కూడా తెలియడం లేదని అవేధన వ్యక్తం చేసిన ఆయన.. అందుకనే తాను ఆత్మహత్యకు పాల్పడుతున్నానని పేర్కోన్నాడు.

కాగా తాను తీసుకుంటున్న ఈ నిర్ణయంతో తన భార్యను నిందించాల్సిన అవసరం లేదని, తన ఆత్మహత్యకు ఎవరూ కారకులు కాదని పేర్కోన్నాడు. ఫేస్ బుక్లో అతడి పోస్టు పెట్టిన నిమిషాల వ్యవధిలోనే దానిని చూసిన ఆయన స్నేహితులు ఆత్మహత్యను ఆపేందుకు శతవిధాలా ప్రయత్నించారు. అయినా అప్పటికే ఆయన ఆత్మహత్యకు పాల్పడటంతో వారి ప్రయత్నాలకు ఫలితం దక్కలేదు. కాగా ఈ ఆత్మహత్యపై ఆయన స్సేహితుడు బాల్జీత్ భావోద్వేగానికి గురయ్యాడు. సందీప్ చాలా ఎమోషనల్ వ్యక్తి అని.. తాను స్నేహితులతోనూ ఎక్కువగా మాట్లాడడని పేర్కోన్నాడు.