ఎస్ ఆర్ కళ్యాణమండపం టీజర్: కుర్రాళ్లేనా ఎప్పుడు బాగుపడాలి..

Posted: 02/04/2021 08:30 PM IST

‘రాజావారు రాణీవారు’ చిత్రంతో తెలుగు ప్రేక్షకులను ఆకట్టుకున్న కిరణ్‌ అబ్బవరం కథానాయకుడిగా ‘ఎస్‌ ఆర్‌ కల్యాణమండపం’ తెరకెక్కుతున్న సంగతి తెలిసిందే. టాక్సీవాలా ఫేమ్ కథానాయిక ప్రియాంక జువాల్కర్‌ హీరోయిన్ గా నటిస్తున్న ఈ చిత్రంలో విలక్షణ నటుడు సాయికుమార్, తులసి, తనికెళ్ల భరణి కీలక పాత్రల్లో నటిస్తున్నారు. తాజాగా గురువారం నాడు ఈ సినిమా టీజర్‌ను విడుదల చేశారు. రెండున్నర నిమిషాల నిడివి ఉన్న ఈ టీజర్‌లో దాదాపు ముఖ్యమైన పాత్రలన్నింటినీ చూపించారు.

కాలేజ్ చదవుతున్న హీరో అదే సమయంలో తన తండ్రికి మద్దతుగా నిలబడాలని ఎస్ఆర్ కళ్యాణమండపాన్ని ఏర్పాటు చేసి అందులో పెళ్లిళ్లు చేయాలని పూనుకుంటాడు. కానీ కళ్యాణమండపంలో పెళ్లిళ్లు జరగక పోవడం.. పైపెచ్చు గ్రామపెద్దలు అందులో మందు కోడదామని చెప్పడం అద్యంతం నవ్వులు పూయిస్తోంది. ఇక హీరో చెప్పే ప్రారంభ డైలాగ్ కూడా ఆసక్తికరంగా వుంది. ఊళ్లో ఎవరికీ గర్ల్ ఫ్రెండ్స్ లేరా.. లేక వారికి నడుములు లేవా.. ప్రతీ ఒక్కరికీ నా గర్ల్ ఫ్రెండ్ నడము గురించే కవాల్సోచ్చిందా.. అంటూ మత్తులో మాట్లాడుతుంటాడు.

ఈ చిత్రానికి శ్రీధర్‌ గాదె దర్శకత్వం వహిస్తున్న ఈ చిత్రంలో సాయికుమార్‌ కీలకపాత్రలో నటిస్తున్నారు. తాజాగా విడుదలైన మూవీ టీజర్‌ ఆద్యంతం నవ్వులు పంచుతోంది. అటు కళాశాలలో చదువుకునే యువకునిగా, ఇటు కల్యాణమండపాన్ని నడిపే వ్యక్తిగా హీరో పాత్ర ఆకట్టుకుంటోంది. హీరోయిన్‌ను హీరో సరదాగా ఆటపటిస్తున్న డైలాగ్స్‌ అలరిస్తున్నాయి. చైతన్య భరద్వాజ్‌ చిత్రానికి స్వరాలు సమకూరుస్తుండగా ఎలైట్‌ ఎంటర్ టైన్ మెంట్స్‌ పతాకంపై ప్రమోద్‌, రాజు నిర్మిస్తున్నారు. ఈ వేసవిలో సినిమా థియేటర్లలో సందడి చేయనుంది. మరి సరదాగా సాగిపోతున్న ఆ టీజర్‌ను మీరూ చూసేయండి!