సైకో మిస్టరీ థ్రిల్లర్ 'భగీర'గా ప్రభుదేవా.. ఐదుగురు బామలతో రోమాన్స్

Posted: 03/31/2020 06:56 PM IST

ఒక వైపున దర్శకుడిగా సినిమాలు తీస్తూనే, మరో వైపున హీరోగాను ప్రభుదేవా తన కెరియర్ ను కొనసాగిస్తున్నాడు. ఈ దర్శకుడు నటుడిగా నిర్మితమవుతున్న యాభైవ చిత్రం పోన్ మాణికవేల్ విడుదల ఆలస్యం కానుంది. అయితే ఈ తరుణంలో పలు చిత్రాలలో నటించేందుకు ప్రభుదేవా సంతకాలు చేశారు. వాటిలో థీల్, ఓమాయ్ విజిగల్, భగీరా చిత్రాలు శరవేగంగా రూపొందుతున్నాయి. పక్కాగా ప్లాన్ చేసుకుని, కెరియర్ ను బ్యాలెన్స్ చేసుకుంటున్న ఈ దర్శకనటుడు.. ప్రస్తుతం సైకో మిస్టరీ ధ్రిల్లర్ భగీరాలో సైకో పాత్రలో మెరువనున్నారు.

సైకో థ్రిల్లర్ గా తెరకెక్కుతున్న ఈ చిత్రంలో ప్రభుదేవా సరసన ఐదుగురు హీరోయిన్లు నటిస్తున్నారని తాజా సమాచారం. ఇంతకు మునుపెన్నడూ చేయని పాత్రను ఆయన పోషిస్తున్నాడు. ఇప్పటికే అమైరా దస్తూర్ .. గాయత్రిలను ఎంపిక చేశారు. మరో ముగ్గురు కథానాయికల కోసం అన్వేషణ సాగుతోందని తెలుస్తోంది. ఇటీవల వచ్చిన ఈ సినిమా ఫస్టులుక్ పోస్టర్ కి మంచి రెస్పాన్స్ వచ్చింది. ఈ సినిమాపై అంచనాలు కూడా పెంచేసింది. అయితే లాక్ డౌన్ నేపథ్యంలో చిత్రం షూటింగ్ ప్రస్తుతం బ్రేకులు పడ్డాయి.