అల్లు అర్జున్ ‘అల వైకుంఠపురంలో’ నుంచి డిలీటెట్ సీన్..

Posted: 03/16/2020 07:40 PM IST

అల్లు అర్జున్‌ కథానాయకుడిగా త్రివిక్రమ్‌ దర్శకత్వంలో సంక్రాంతికి విడుదలైన తాజా చిత్రం ‘అల వైకుంఠపురములో..’ బాక్సాఫీసు షేక్ చేసి ఏకంగా సినిమా ప్రిరిలీజ్ అంచనాలను దాటేస్తూ ఏకంగా రెండింతల లాభాన్ని అర్జించిన విషయం తెలిసిందే. రూపాయలు 85 కో్ట్లతో నిర్మితమైన ఈ చిత్రం ఏకంగా 167 కోట్ల లాభాన్ని రూపాయలను అర్జించింది. హీరో బన్నీకి దర్శకుడు త్రివిక్రమ్ కు మిగిలిన చేధు జ్ఞాపకాలను ఈ సినిమా పూర్తిగా తుడిచి పెట్టేసి.. ఇద్దరికీ చిత్రసీమలో తిరుగులేదని నిరూపించింది.

తాజాగా చిత్ర యూనిట్ ఈ చిత్రం నుంచి ఒక తొలగించిన ఓ వీడియోను సామాజికి మాద్యమంలో విడుదల చేసింది. చిత్ర నిడివి ఎక్కువ కావడం వల్ల చిత్రంలో నుంచి ఈ సీన్ ను తొలగించింది చిత్రయూనిట్. దాదాపు రెండు నిమిషాల మేర నిడివి వున్న ఈ వీడియోలో అల్లు అర్జున్.. సుషాంత్ చేసే పనులను వీడియో తీసి.. స్విమ్మింగ్ పూల్ లో ఈతకొడుడున్న అతని వద్దకు వచ్చి ఈ వీడియోను చూపించి.. బ్లాక్ మెయిల్ చేసే సన్నివేశం.. అందులో భాగంగా సుషాంత్ బస్సు కోసం పరిగెట్టడం.. మురళీశర్మ అవేదన వ్యక్తం చేయడం ఆకట్టుకున్నాయి.

అల్లు అర్జున్ హీరోగా, సుషాంత్ సపోర్టింగ్ క్యారెక్టర్ లో నటించిన ఈ చిత్రంలో హీరోయిన్ గా ఫూజా హెగ్డే, విబిన్నమైన క్యారెక్టర్ లో మురళీ శర్మ నటించారు. ఈ చిత్రానికి మాటల మాంత్రికుడు త్రివిక్రమ్ శ్రీనివాస్ దర్శకత్వం వహించగా, గీతాఅర్ట్స్ నిర్మాణబాధ్యతలు చేపట్టింది. ఈ చిత్రానికి ఎస్ఎస్ తమన్ సంగీత దర్శకత్వం వహించారు. ఇవాళ మధ్యాహ్నం గీతా అర్ట్స్ ఈ వీడియోను యూట్యూబ్ లో విడుదల చేయగా గంటల వ్యవధిలోనే 70 వేల మంది ఈ వీడియోను వీక్షించారు. మరెందుకు ఆలస్యం మీరూ ఈ వీడియోను చూడండీ..