నాగ చైతన్య-సాయిపల్లవిల ‘లవ్ స్టోరీ’ నుంచి రోమాంటిక్ సాంగ్..

Posted: 03/11/2020 09:24 PM IST

New lyrical video ay pilla from naga chaitanya sai pallavi s love story out

అక్కినేని నాగచైతన్య, సాయిపల్లవి ప్రేమలోకంలో విహరిస్తున్నారు. వీరిద్దరు జంటగా నటిస్తున్న సినిమా ‘లవ్‌స్టోరీ’. శేఖర్‌ కమ్ముల దర్శకుడు. ఈ సినిమాలోని ‘ఏ పిల్లా పరుగున పోదామా.. ఏ వైపో జంటగ ఉందామా.. రారా కంచే దూకి చకచక ఉరుకుతు..’ అని సాగే గీతాన్ని విడుదల చేశారు. పాటకు పవన్‌ సీహెచ్‌ చక్కటి సంగీతం అందించారు. హరి చరణ్‌, నకుల్‌ అభ్యంకర్‌ ఆలపించారు. చైతన్య, సాయి పల్లవిపై ఈ పాటను చిత్రీకరించారు. ఇద్దరు సాధారణ మధ్య తరగతికి చెందిన అమ్మాయి, అబ్బాయిగా కనిపించారు. వీరి కెమిస్ట్రీ, ట్యూన్స్‌ యూట్యూబ్‌లో శ్రోతల్ని ఆకట్టుకుంటున్నాయి.

‘ఫిదా’ తర్వాత శేఖర్‌ కమ్ముల తెరకెక్కిస్తున్న సినిమా ఇది. రావు రమేశ్‌, పోసాని కృష్ణమురళీ కీలక పాత్ర పోషిస్తున్నారు. శ్రీ వేంకటేశ్వర సినిమాస్‌ సంస్థ నిర్మిస్తోంది. ఏప్రిల్‌ 2న ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు. ‘వెంకీ మామ’తో ఇటీవల హిట్‌ అందుకున్న నాగచైతన్య ఈ సినిమా తర్వాత పరుశురాం దర్శకత్వంలో నటించబోతున్నారు. సాయిపల్లవి ‘విరాటపర్వం 1922’లో కనిపించనున్నారు.