అడవిలో సూపర్ స్టార్ రజనీ రియల్ అడ్వెంచర్

Posted: 03/09/2020 08:51 PM IST

దక్షిణాధి సూపర్ స్టార్ గా వెలుగొందుతున్న హీరో రజనీకాంత్. ఏడాదికో పర్యాయం ఆయన ధ్యానం కోసం హిమాలయాలకు వెళ్లడమే కాదు.. అవసరమైతే అడవులకు కూడా వెళ్తానని చేసి చూపిన స్టార్ రజని. ఏకంగా అడవిలోని వన్యమృగాలు కూడా దడిచే చిరుతలు, పెద్దపులులు సంచరించే అటవీ ప్రాంతంలోకి ఆయన తాజాగ వెళ్లి తన సాహస యాత్రను చేపట్టారు. డిస్కవరీ ఛానల్ లో ప్రసారమయ్యే ‘మ్యాన్ వర్సెస్ వైల్డ్’ కోసం రజనీకాంత్ అడవులకు వెళ్లారు. బేర్ గ్రిల్స్‌తో కలిసి రజనీ అటవీప్రాంతంలో తిరిగారు.

భారత ప్రధాని నరేంద్రమోడీ ఈ కార్యక్రమానికి చాలా పెద్ద హైప్ తీసుకువచ్చారు. స్వయంగా ప్రధాని కూడా బేర్ గిల్స్ తో కలసి అడవీలో సంచరించారు. ప్రధాని తరువాత ఆయన మార్గంలో అనేక మంది సెలబ్రిటీలు ఫాలో అవుతున్నారు. ఇక తాజాగా తమిళ సూపర్ స్టార్ కూడా ఈ కార్యక్రమంలో పాల్గోన్నారు. ఈ షూటింగ్‌ కోసం బేర్ గ్రిల్స్ కర్ణాటక వచ్చారు. కర్ణాటకలోని బండిపురా టైగర్ రిజర్వ్ ఫారెస్ట్ లో చిత్రీకరణ జరిగింది. దీనికి సంబంధించిన ట్రైలర్ ను డిస్కవరీ ఛానల్‌ విడుదల చేసింది. ప్రస్తుతం ఈవీడియో నెటింట్లో హల్ చల్ చేస్తోంది.

ఇందులో రజనీ కొండలు ఎక్కుతూ, నీటిలో ఈదుతూ.. సాహసాలు చేస్తూ కనిపించారు. ‘ఇది నిజమైన సాహసం..’ అంటూ తన ఫీలింగ్‌ చెప్పారు. సూపర్ స్టార్‌ ఉత్సాహం చూసి బేర్‌ గ్రిల్స్‌ ప్రశంసించారు. తలైవాతో కలిసి పనిచేయడం గురించి ఆయన ట్వీట్‌ చేశారు. రజనీకాంత్‌ ఎంతో సానుకూల దృక్పథంతో ఉంటారని, ఆయన ప్రతి ఛాలెంజ్ ను గొప్పగా స్వీకరించారని అన్నారు. దీంతో ఆయనపై గౌరవం మరింత పెరిగిందని చెప్పారు. మార్చి 23న రాత్రి 8 గంటలకు ఈ షో ప్రసారం కాబోతోంది. ‘మ్యాన్‌ వర్సెస్ వైల్డ్’ కార్యక్రమంలో బేర్ గ్రిల్స్ అడవులు, నదులు, కొండల్లో తిరుగుతూ... సాహసాలు చేస్తుంటారు.

The wait is over! This adrenaline pumping trailer gives you a glimpse of Superstar @Rajinikanth’s electrifying TV debut. Catch Into The Wild with @BearGrylls on March 23 at 8:00 pm. #ThalaivaOnDiscovery https://t.co/cg1zrx9dAw

— Discovery Channel IN (@DiscoveryIN) March 9, 2020