అభిమానులకు బన్నీ గిఫ్ట్: ‘అల వైకుంఠపురంలో’ ట్రైలర్

Posted: 01/06/2020 08:53 PM IST

Allu arjun gifts fans ala vaikunthapurramuloo trailer

స్టైలిష్ స్టార్ అల్లు అర్జున్ -మాటల మాంత్రికుడు త్రివిక్రమ్ కాంబినేషన్ లో తెరకెక్కిన లేటెస్ట్ మూవీ అల.. వైకుంఠపురములో . ఈ సినిమా మ్యూజికల్ కన్సర్ట్ హైదరబాద్ లో గొప్పగా జరిగింది. ఇప్పటికే ఈ సినిమా పోస్ట్ ప్రొడక్షన్ కార్యక్రమాలు పూర్తి చేసుకొని విడుదలకు సిద్ధం గా వుంది. జనవరి 12న ప్రపంచవ్యాప్తంగా ప్రేక్షకుల ముందుకు రానున్న ఈ చిత్రానికి ఇటీవలే సెన్సార్ బోర్డు యు/ఏ సర్టిఫికెట్ ఇచ్చిన సంగతి కూడా తెలిసిందే.

ఇప్పుడు అల్లు అర్జున్ యూసఫ్ గూడా లోని గ్రౌండ్స్ లో మ్యూజికల్ నైట్ ని ప్లాన్ చేసి తమన్ తో రఫ్ ఆడిస్తున్నాడు. ఇప్పటికే ఈ వేడుకకు హాజరైన అల్లు అర్జున్ మరియు త్రివిక్రమ్ హీరోయిన్లు అందరూ రావడంతో సినిమా నిర్మాతలు అల్లు అరవింద్, రాధాకృష్ణ ఇద్దరూ కలిసి సినిమా ట్రైలర్ విడుదల చేశారు. ఈ టీజర్ కు అదిరిపోయే రెస్పాన్స్ గ్రౌండ్ లో వచ్చింది. ముఖ్యంగా బ్యాక్ గ్రౌండ్ స్కోర్ అదరిపోయింది. త్రివిక్రమ్ మార్క్ టేకింగ్, డైలాగ్ లు స్పష్టంగా ట్రైలర్ లో ప్రస్పూటిస్తున్నాయి.

అంతేకాకుండా సినిమాలో బన్నీ డాన్స్ మరియు ఫైట్లు అదరగొట్టే రీతిలో చేసినట్లు తెలుస్తోంది. ఈ సినిమాలో మిడిల్ క్లాస్ అబ్బాయిగా అది కూడా కొంపలు మునుగుతున్నా నిజం తప్ప అబద్దం చెప్పని వ్యక్తిగా నటిస్తున్నట్టు అర్ధం అవుతోంది. ఇక పూజా హెగ్డేకి చెందిన ఆఫీస్ లో బన్నీ నటిస్తున్నట్టు, పూజా తల్లిగా టబు తండ్రిగా తమిళ నటుడు జయరాం నటిస్తున్నట్టు క్లారిటీ వచ్చింది. అయితే బన్నీని సపోర్ట్ చేస్తున్నట్టున్న పాత్రను పోషించిన సచిన్ ఖేడ్కర్ పాత్ర ఏమిటి అనేది క్లారిటీ ఇవ్వలేదు. ఇక ఆ ట్రైలర్ మీరు కూడా చూసేయండి.