చిరంజీవి 152 అప్ డేట్: బ్యాంకాక్ కు వెళ్లిన మెగాస్టార్

Posted: 12/02/2019 07:56 PM IST

Megastar chiranjeevi is busy with his 152 movie pre production works

మెగాస్టార్ చిరంజీవి రీ-ఎంట్రీ తరువాత తెరకెక్కుతున్న మూడవ చిత్రాన్ని ప్రముఖ దర్శకుడు కొరటాల శివ రూపోందించనున్న విషయం తెలిసిందే. ప్రస్తుతం ఈ చిత్రం ప్రీ-ప్రొడక్షన్‌ వర్క్ జరుగుతుండగా.. వాటిని చిరంజీవినే స్వయంగా పర్యవేక్షిస్తున్నారట. ఆయనతో పాటు మణి శర్మ, దర్శకుడు కొరటాల శివ ఈ చిత్ర మ్యూజిక్ సిట్టింగ్‌ ల కోసం బ్యాంకాక్‌ కు వెళ్లినట్లు తెలుస్తోంది. ప్రస్తుతం బ్యాంకాక్‌లోని ఒక ప్రైవేట్ రిసార్ట్‌లో ఈ సినిమాకి సంబంధించి మ్యూజిక్ సిట్టింగ్స్ జరుగుతున్నాయి.

కాగా ఈ సినిమాలో మెగా అభిమానులు కోరుకునే అంశాలతో పాటు హీరో ఎలివేషన్స్ తో కూడుకునే బోలెడంత హీరోయిజమ్ కూడా ఉండనుంది. అన్నిటికంటే ప్రధానమైన సోషల్ ఇష్యూ తప్పకుండా ఉంటుంది. మొత్తంగా చెప్పాలంటే మెగాస్టార్ – కొరటాల నుండి ఒక పవర్ ప్యాక్డ్ కమర్షియల్ ఎంటెర్టైనర్ రానుంది. ఇక ఈ సినిమాకి టెక్నీషియన్లు దాదాపుగా ఖరారయ్యారని.. ప్రస్తుతం నటీనటులను ఎంపిక చేస్తోన్నట్లు సమాచా

డిసెంబ‌ర్‌ లో సినిమా షూటింగ్ ప్రారంభించి.. జూలై నాటికి అన్ని పనులు పూర్తిచేసి, ఆగస్టు 14న చిత్రాన్ని విడుదల చేయాలనే ఆలోచనలో కొరటాల వున్నారని సమాచారం. ఈ సినిమాకి సంబంధించిన సాంకేతిక నిపుణుల ఎంపిక ప్రక్రియ ఆల్రెడీ పూర్తయింది. నటీనటుల ఎంపిక ప్రక్రియ కొనసాగుతోంది. ప్రాచీన దేవాలయాలు .. ఆ దేవాలయ భూముల ఆక్రమణకి సంబంధించిన నేపథ్యంలో ఈ కథ నడుస్తుందని అంటున్నారు.