గోపిచంద్ 'చాణక్య': యాక్షన్ ఫాక్డ్ టీజర్

Posted: 09/09/2019 08:19 PM IST

తెలుగు తెరపై యాక్షన్ హీరోగా గోపీచంద్ కి మంచి పేరుంది. ఆయన హైట్ .. పర్సనాలిటీ .. డైలాగ్ డెలివరీ యాక్షన్ పాత్రలకి సరిగ్గా సరిపోతాయి. అందువలన ఆయన కూడా ఈ తరహా పాత్రలు చేయడానికి ఉత్సాహాన్ని చూపుతుంటాడు. పలు యాక్షన్ చిత్రాలలో నటించిన హిట్ సాధించిన ఆయన తాజాగా 'చాణక్య'లో ఆయన 'రా' ఏజెంట్ గా చేస్తున్నాడు.

'తిరు' దర్శకత్వం వహించిన ఈ సినిమా నుంచి తాజాగా ఒక టీజర్ ను వదిలారు. తీవ్రవాదానికి .. దేశభక్తికి సంబంధించిన విజువల్స్ పై కట్ చేసిన ఈ టీజర్ ఆకట్టుకుంటోంది. ఈ సినిమాలో గోపీచంద్ జోడీగా మెహ్రీన్ కనిపించనుంది. దసరాకి ఈ సినిమాను విడుదల చేయనున్నారు. అనిల్ సుంకర నిర్మిస్తున్న ఈ సినిమాలో, జరీన్ ఖాన్ కీలకమైన పాత్రలో కనిపించనుంది. కొంతకాలంగా సక్సెస్ కోసం గోపీచంద్ చేస్తోన్న నిరీక్షణ ఈ సినిమాతో ఫలిస్తుందేమో చూడాలి.