అల్లు అర్జున్, త్రివిక్రమ్ చిత్రానికి టైటిల్ ఫిక్స్.!

Posted: 08/16/2019 05:23 PM IST

Allu arjun trivikram film titled ala vaikuntapuramlo

మాటల మాంత్రికుడు త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లు అర్జున్ హీరోగా తెరకెక్కుతున్న హ్యాట్రిక్ చిత్రం గురించి అభిమానులకు తెలిసిందే. ఈ చిత్రంలో పూజా హెగ్డే, నివేదా పేతురాజ్ ప్రధాన పాత్రల్లో నటిస్తున్నారు. ఇప్పటికే నా పేరు స్యూర్య, నా ఇల్లు ఇండియా చిత్రం అనుకున్న స్థాయిలో బాక్సాఫీసు వద్ద సవ్వడి చేయలేకపోవడంతో కొంత గ్యాప్ తీసుకున్న తరువాత బన్నీ ఈ చిత్రానికి ఓకే చెప్పారు.

అల్లు అర్జున్ కి సంబంధించి 19వ సినిమా కావడంతో దీనిపై అభిమానులు, సినీవర్గాల్లో భారీగానే అంచనాలు నెలకొన్నాయి. ఈ చిత్రానికి సంబంధించి కథ, కథనం మొత్తం త్రివిక్రమ్ శ్రీనివాస్ రూపొందిస్తుండటంతో అభిమానుల్లో మరిన్ని అంచనాలు పెరిగేందుకు కారణమయ్యాయి. వీరిద్దరి కాంబినేషన్ లో జులాయి, సనాఫ్ సత్యమూర్తి చిత్రాలు బాక్సాఫిసు వద్ద సంచలన విజయాలను అందుకున్న విషయం తెలిసిందే.

ఈ నేపథ్యంలో వీరిద్దరి కాంబినేషన్ లో తాజాగా మరో సినిమా టైటిల్ ను దర్శక నిర్మాతలు ప్రకటించారు. ‘అల.. వైకుంఠపురములో’ అనే టైటిల్ ను ఈ సినిమాకు ఖరారు చేశారు. ఈ విషయాన్ని నిర్మాణ సంస్థ హారిక అండ్ హాసినీ క్రియేషన్స్ ప్రకటించింది. టైటిల్ కు సంబంధించి ఓ చిన్న వీడియోను కూడా విడుదల చేసింది. ఇందులో బన్నీ కొత్త లుక్ తో అదరగొట్టేస్తున్నాడు. ఈ వీడియోను మీరూ చూసేయండి.