ప్రేమ పెళ్లికి యువ హీరో రాజ్ తరుణ్ రెడీ అవుతున్నాడోచ్..!

Posted: 05/28/2019 05:16 PM IST

త్వరలో తన పెళ్లి జరగనుందని యంగ్ హీరో రాజ్ తరుణ్ చెప్పాడు.. రీసెంట్‌గా సోషల్ మీడియాలో అభిమానులతో సరదాగా చేసిన చిట్ చాట్‌లో రాజ్ తరుణ్, ఫ్యాన్స్‌తో తన పర్సనల్ అండ్ ప్రొఫెషనల్ విషయాలు షేర్ చేసుకున్నాడు. తన తల్లి గురించి అడిగితే, దేవత అని, ప్రపంచంలో బాగా ఇష్టమైన వ్యక్తి తన తండ్రి అని, ఇష్టమైన వంటకం చింతపండు పులిహోర అని చెప్పిన రాజ్ తరుణ్, త్వరలోనే పెళ్ళి కబురు చెబుతానని, తనది లవ్ మ్యారేజ్ అని చెప్పాడు.

ఇష్టమైన నటులు తెలుగులో సూపర్ స్టార్ మహేష్ బాబు, హిందీలో అమీర్ ఖాన్ అని చెప్పాడు. తమిళ్‌లో ఎప్పటికీ రజినీ కాంత్ గారే నా ఫేవరెట్ అని అన్నాడు. పూరీ జగన్నాథ్‌తో కలిసి పనిచేసే అవకాశం వస్తే తప్పకుండా నటిస్తానని, భవిష్యత్తులో తను కూడా డైరెక్టర్ అవుతానని, తన దగ్గర ఇది వరకు 20 కుక్కలున్నాయని, ఇప్పుడవి 23కి చేరాయనీ అన్నాడు.

మీ సినిమాల్లో హీరోయిన్లుగా తెలుగమ్మాయిలను ఎందుకు తీసుకోరు అనడిగితే, అది దర్శక, నిర్మాతల చేతుల్లో ఉంటుందని చెప్పాడు. రాజ్ తరుణ్ ప్రస్తుతం ఇద్దరి లోకం ఒకటే అనే సినిమా చేస్తున్నాడు. అర్జున్ రెడ్డి బ్యూటీ షాలినీ పాండే హీరోయిన్‌గా నటిస్తుండగా, దిల్ రాజు నిర్మిస్తుండగా, జి.ఆర్.కృష్ణ దర్శకుడిగా పరిచయం అవుతున్నాడు.