బాలయ్య పక్కన ఛాన్స్ కొట్టేసిన ఆర్ఎక్స్ బ్యూటీ పాయల్

Posted: 05/15/2019 11:09 PM IST

‘ఆర్ ఎక్స్ 100’ ఊహించని ఘన విజయం సాధించిన తరువాత ఆమూవీలో నటించిన పాయల్ రాజ్ పుత్ కు తెలుగు ప్రేక్షకులలో మంచి క్రేజ్ ఏర్పడింది. టాప్ యంగ్ హీరోల నుండి క్రేజీ ఆఫర్లు వస్తాయని చాలామంది భావించారు. అయితే ఆమెకు టాప్ యంగ్ హీరోల నుండి కాకుండా టాప్ సీనియర్ హీరోల నుండి వరసపెట్టి అవకాశాలు వస్తూ ఉండటం ఇండస్ట్రీ హాట్ టాపిక్ గా మారింది. ప్రస్తుతం ఈమె రవితేజాతో ‘డిస్కోరాజ’ వెంకటేష్ తో ‘వెంకీ మామ’ సినిమాలలో నటిస్తోంది.

అయితేనేం అనుకుంటున్న పాయల్.. సీనియర్ హీరోల పక్కన నటిస్తున్నందుకు పారితోషకం బాగానే డిమాండ్ చేస్తోందని వార్తలు గుప్పమంటున్నాయి, ఇక తాజాగా అమె మరో సీనియర్ హీరో పక్కన కూడా ఛాన్స్ కోట్టేసింది. బాలకృష్ణ తదుపరి చిత్రంలో పాయల్ రోమాన్స్ చేయబోతుందన్న వార్త టాలీవుడ్ వర్గాల్లో హాట్ టాపిక్ గా మారింది. ఈనెల ప్రారంభం కాబోతున్న బాలకృష్ణ కెఎస్ రవికుమార్ ల మూవీ ప్రాజెక్ట్ లో పాయల్ హీరోయిన్ గా నటించడానికి తన అంగీకారం చెప్పింది. అయితే ఈ సినిమాలో నటించడానికి ఆమె భారీ పారితోషికం డిమాండ్ చేసినట్లు వార్తలు వస్తున్నాయి.

చాలాకాలం తరువాత బాలయ్య మళ్ళీ పోలీసు డ్రెస్ వేసుకుంటున్న ఈమూవీ బాలయ్యకు బాగా అచ్చివచ్చిన రాయలసీమ నేపధ్యంలో ఉంటుంది అని టాక్. ‘రూలర్’ పేరుతో నిర్మాణం జరుపుకోబోతున్న ఈమూవీలో పాయల్ నటనకు ప్రాధాన్యత ఉన్న పాత్ర లభించడమే కాకుండా బాలయ్యతో ఈమె చేయబోయే రొమాంటిక్ సీన్స్ ఈమూవీకి హైలెట్ గా మారుతాయి అని అంటున్నారు. ఈమూవీ ప్రారంభించిన వెంటనే వేగంగా ఆరు నెలలోపు పూర్తి చేసి వచ్చే ఏడాది జనవరిలో బాలయ్యకు అచ్చొచ్చే సంక్రాంతి రోజున విడుదల చేయాలని ఈమూవీ నిర్మాతల ప్లాన్ అని అంటున్నారు.