మహేష్ మహర్షి తరువాతే ‘అర్జున్ సురవరం’..!

Posted: 04/25/2019 05:12 PM IST

Nikhil siddhartha and lavanya tripathi s arjun suravaram postponed yet again

టాలీవుడ్ యంగ్ హీరో నిఖిల్‌, లావణ్య త్రిపాఠి జంటగా నటించిన ‘అర్జున్‌ సురవరం’ చిత్రం మరోసారి వాయిదా పడింది. టీఎన్ సంతోష్ దర్శకత్వం వహిస్తున్న ఈ చిత్రం విడుదలకు మరోమారు బ్రేకులు పడ్డాయి. అయితే ఈ సారి చిత్ర నిర్మాణ యూనిట్ కు ఏమాత్రం సంబంధం లేకున్నా.. ఈ మేరకు డిస్ట్రిబ్యూటర్లు కోరడంతో వారు అంగీకరించారు. ఈ మేరకు చిత్ర డిస్ట్రిబ్యూటర్లు ఓ ప్రకటనను విడుదల చేశారు. వారి ప్రకటన సారంశమేమిటంటే..

‘అర్జున్‌ సురవరం’ సినిమా విడుదలకు సిద్ధంగా ఉంది. సెన్సార్‌ బోర్డు క్లీన్‌ u/a సర్టిఫికేట్‌ ఇచ్చింది. థియేట్రికల్‌ హక్కులను కూడా దక్కించుకున్నాం. సినిమా తప్పకుండా అన్ని వర్గాల ప్రేక్షకులను అలరిస్తుందన్న నమ్మకం ఉంది. కాకపోతే.. ‘అవెంజర్స్‌: ఎండ్‌ గేమ్’, తదితర సినిమాలు విడుదల అవుతున్న క్రమంలో మా సినిమాను ప్రదర్శించలేని పరిస్థితి ఏర్పడింది. ప్రత్యేకించి మల్టీప్లెక్స్‌లలో విడుదల చేయడానికి అస్సలు వీలు పడటంలేదు. దాంతో నిర్మాతలను, చిత్రబృందాన్ని సంప్రదించి సినిమాను మరో తేదీన విడుదల చేయాలని కోరాం. ఇందుకు వారూ ఒప్పుకోవడంతో ‘మహర్షి’ విడుదలైన తర్వాతే ఈ సినిమాను విడుదల చేయాలని నిర్ణయించుకున్నాం. ధన్యవాదాలు’ అని పేర్కొన్నారు.

యంగ్ హీరో నిఖిల్ విభిన్న కథాంశాలతో కూడిన చిత్రాలను ఎంచుకుంటాడన్న టాక్ వుంది. ఈ క్రమంలో తొలిసారి జర్నలిస్టు పాత్రలో నటిస్తున్న ‘అర్జున్‌ సురవరం’ చిత్రం ఇప్పటికే ఎన్నో సమస్యలు అధిగమించింది. తొలుత సినిమాకు ‘ముద్ర’ అనే టైటిల్ ను ఖరారు చేసి పోస్టర్ ను కూడా విడుదల చేశారు. కానీ ఓ తమిళ చిత్రబృందం ఇదే టైటిల్ ను కాపీ కొట్టి సినిమాను ప్లాన్‌ చేసింది. దాంతో మరో టైటిల్ ను రిజిస్టర్‌ చేయించాల్సి వచ్చింది. టీఎన్‌ సంతోష్‌ దర్శకత్వం వహిస్తున్న ఈ చిత్రం మే 9న మహర్షి చిత్రం విడుదలైన తరువాత మరో తేధీని ఖరారు చేసుకుని విడుదల కానుంది.