టెంపర్ రేపుతున్న విశాల్ అయోగ్య ట్రైలర్..

Posted: 04/19/2019 09:14 PM IST

తెలుగులో పూరి జగన్నాథ్ దర్శకత్వంలో ఎన్టీఆర్ హీరోగా చేసిన 'టెంపర్' మాస్ ఆడియన్స్ కి ఒక రేంజ్ లో కనెక్ట్ అయింది. దాంతో ఈ సినిమాను హిందీలోకి రీమేక్ చేయగా అక్కడ కూడా భారీ వసూళ్లను రాబట్టింది. ఇక తమిళంలో విశాల్ హీరోగా ఈ సినిమా 'అయోగ్య' పేరుతో రీమేక్ అయింది. టెంపర్ కథా, కథనంతోనే కాలీవుడ్ లో దర్శకుడిగా మారుతున్న వెంకట్ మోహన్ ఈ సినిమాను రూపోందిస్తున్నారు. తాజాగా ఈ సినిమా నుంచి చిత్ర యూనిట్ ట్రైలర్ ను విడుదల చేయగా తమిళనాట కూడా ఈ చిత్రం టెంపర్ రేపడం ఖాయమన్న టాక్ వినిపిస్తోంది.

లవ్ .. రొమాన్స్ .. యాక్షన్ సీన్స్ పై ఈ ట్రైలర్ ను కట్ చేశారు. హీరో పాత్రలోని వేరియేషన్స్ ను ఈ ట్రైలర్ ద్వారా ఆవిష్కరించారు. రాశి ఖన్నా కథానాయికగా నటించిన ఈ సినిమాలో, పార్తీబన్ కీలకమైన పాత్రలో కనిపించనున్నారు. వచ్చేనెలలో ఈ సినిమాను విడుదల చేయనున్నారు. తమిళంలోనూ ఈ సినిమా భారీ హిట్ కొడుతుందనే నమ్మకంతో విశాల్ వున్నాడు. అక్కడ కూడా ఈ సినిమా భారీ వసూళ్లు రాబడుతుందన్న ఆశలు, అంచనాలు ఎలా వుంటాయన్నది చిత్రం విడుదలైయ్యే వరకు వేచి చూడాలి మరి.