ఎఫ్ 2 అర్థశతదినోత్సవం.. 106 కేంద్రాల్లో..!

Posted: 03/02/2019 07:00 PM IST

ఈ సంక్రాంతి లేటుగా బరిలో దిగినా..అందరి అంచనాలను తలకిందులు చేస్తూ ‘F2’  సినిమా టాలీవుడ్ బాక్సాఫీస్ దగ్గర కలెక్షన్స్ విషయంలో అరాచకమే సృష్టించింది. ఈ చిత్రానికి పోటీగా విడుదలైన ‘ఎన్టీఆర్ కథానాయకుడు’, ‘వినయ విధేయ రామ’ ‘పేట’ సినిమాలు సోదిలో లేకుండా పోయాయి. మరోవైపు డిజిటల్ ఫ్లాట్‌ఫామ్ అమెజాన్‌లో విడుదలైన ఎక్కడ ఈ సినిమా కలెక్షన్స్ తగ్గకపోవడం ట్రేడ్ వర్గాలను ఆశ్చర్యానికి గురిచేస్తోంది.

తాజాగా ఈ  సినిమా ఈ రోజుతో 50 రోజులు పూర్తి చేసుకుంది. ఈ సినిమా 106  సెంటర్స్‌లో 50 రోజులు పూర్తి చేసుకున్నట్టు ఈ  సినిమా నిర్మాతలు ప్రకటించారు. మరోవైపు ట్రేడ్ వర్గాల ప్రకారం డైరెక్ట్‌గా ఈసినిమా 65 సెంటర్స్‌లో 50 రోజులు ఈ రోజుతో పూర్తి చేసుకోనుంది. మొత్తంగా చూసుకుంటే ఈ సినిమా రూ.83 కోట్ల షేర్..140 కోట్ల గ్రాస్‌ను కలెక్ట్ చేసినట్టు సమాచారం.

రీసెంట్‌ టైమ్‌లో పెద్ద సినిమాలకు మాత్రమే సాధ్యమైన కలెక్షన్స్‌ను ఈ సినిమా సొంతం చేసుకోవడం విశేషం. మొత్తంగా 2019లో మంచి శుభారంబాన్ని ఇచ్చింది. ఇక ఈ సినిమాకు సీక్వెల్‌గా ‘ఎఫ్3’ సినిమాను తెరకెక్కిస్తున్నారు. ఈసినిమాలో వెంకటేష్, వరుణ్ తేజ్‌తో పాటు నితిన్ మరో హీరోగా నటిస్తున్నాడు.  తొందర్లోనే ఈసినిమా సెట్స్‌  పైకి వెళ్లే అవకాశం ఉంది.