సూపర్ డీలక్స్ ఫోర్న్ స్టార్ గా శివగామి..

Posted: 01/19/2019 05:35 PM IST

నరసింహా చిత్రంలో తన నటనకు అవధులు లేవని చాటిన ప్రతినాయిక.. బాహుబలి చిత్రంతో శివగామిగా యావత్ దేశవ్యాప్తంగా తనకు ప్రత్యేక గుర్తింపును తెచ్చుకుంది రమ్యకృష్ణ. బాహుబలి రెండు భాగాలు ఎంత హిట్ అయ్యాయో అందరికీ తెలిసిన విషయమే. ఈ చిత్రంలో నటించిన పిమ్మట అమె ఎక్కడ కనిపించినా శివగామి అనే పేరుతో జనాలు ఇష్టంగా పిలుచుకుంటున్నారు. బాహుబలిలో తల్లి పాత్ర రమ్యకు అంతగా పాపులరిటీ సంపాదించి పెట్టింది.

ప్రేక్షకుల్లో ప్రత్యేక ఇమేజ్ సాధించి పెట్టిన ఈ గుర్తింపుతో ఆ తరువాత తన వద్దకు వచ్చిన చిత్రాల్లో తన పాత్ర ప్రత్యేకంగా ఉండేలా కథలను ఎంచుకుంటోంది రమ్య కృష్ణ. అయితే ఇప్పుడు ఈ శివగామి పోర్న్ స్టార్ గా దర్శనమివ్వనున్నట్లు తెలుస్తోంది. తమిళంలో సూపర్ డీలక్స్ సినిమాలో శృంగార తారగా కనిపించడానికి రమ్య కృష్ణ గ్రీన్ సిగ్నల్ ఇచ్చింది. ఈ విషయాన్నీ చిత్ర నిర్మాతలు అధికారికంగా తెలియజేశారు. సమంత, విజయ్ సేతుపతి జంటగా నటిస్తున్న ఈ ప్రయోగాత్మక చిత్రంలో రమ్యను తీసుకున్నారు.

లీల అనే పోర్న్ స్టార్ పాత్ర కోసం గత కొంత కాలంగా సెర్చ్ చేస్తోన్న చిత్ర యూనిట్  ఫైనల్ గా రమ్య కృష్ణను సెలెక్ట్ చేసుకుంది. అసలైతే ముందుగా లీలా అనే ఆ పాత్ర కోసం అత్తారింటికి దారేది ఫెమ్ నదియాను సంప్రదించారు. కానీ ఆమె ఒప్పుకోకపోవడంతో రమ్యకృష్ణకు పాత్ర గురించి వివరించగా ఆమె పెద్దగా ఆలోచించకుండా దర్శకుడికి ఒకే చెప్పినట్లు తెలుస్తోంది. దీంతో శివగామి పోర్న్ స్టారా అనే ఆలోచన ఇప్పుడు హాట్ టాపిక్ గా మారింది.