ఎన్నికల బరిలో దిగనున్న జూనియర్ ఎన్టీఆర్.. ఫ్యాన్సుకు విందు..

Posted: 09/26/2018 07:53 PM IST

Election episode in tarak movie electrifies his fans

త్రివిక్రమ్ దర్శకత్వంలో రూపొందుతోన్న 'అరవింద సమేత' .. షూటింగ్ పరంగా చివరిదశకు చేరుకుంది. సీమ నేపథ్యంలో సాగే ఈ సినిమాలో కథానాయికగా పూజా హెగ్డే నటించింది. యాక్షన్ .. ఎమోషన్ కి పెద్దపీట వేస్తూ ఈ సినిమాను నిర్మిస్తున్నారు. ఆడియో పరంగా కూడా మంచి మార్కులు దక్కాయి. ఇక ఈ సినిమాలో ఎలక్షన్స్ కి సంబంధించిన ఒక ఎపిసోడ్ వుందట. అది ఈ సినిమా హైలైట్స్ లో ఒకటిగా నిలుస్తుందని అంటున్నారు.

ఎన్టీఆర్ తో ముడిపడిన స్థానిక ఎన్నికలకి సంబంధించిన సీన్ ను విజిల్స్ పడేలా త్రివిక్రమ్ చిత్రీకరించాడని చెబుతున్నారు. ఈ ఎపిసోడ్ ఎన్టీఆర్ అభిమానులను ఎంతగానో ఆకట్టుకుంటుందని అంటున్నారు. ఎన్టీఆర్ సిక్స్ ప్యాక్ లో కనిపించనుండటం .. ఆయన రాయలసీమ యాసలో మాట్లాడనుండటం ఈ సినిమాపై అందరిలోను ఆసక్తిని రేకెత్తిస్తోంది. అక్టోబర్ 11వ తేదీన ఈ సినిమాను ప్రపంచవ్యాప్తంగా విడుదల చేయనున్నారు.