రాజమౌళి మల్టీస్టారర్ లో కూడా జతకలసిన కరణ్ జోహర్

Posted: 07/10/2018 06:54 PM IST

Karan johar to collaborate with rajamouli for rrr

'బాహుబలి' సినిమా హిందీ వెర్షన్ ప్రముఖ దర్శక నిర్మాత కరణ్ జొహార్ తన ధర్మా ప్రొడక్షన్స్ ద్వారా భారీస్థాయిలో విడుదల చేశారు. ఈ సినిమాకి ఆయన అక్కడ కల్పించిన భారీ ప్రచారం కారణంగానే ఆ స్థాయిలో అక్కడ లాభాలను తెచ్చిపెట్టింది. భారీ స్థాయిలో ఈ సినిమా జనంలోకి వెళ్లడంలో కరణ్ జొహార్ కీలకమైన పాత్రను పోషించారు. ఆ తరువాత ఇక తెలుగు చిత్రాలపై దృష్టి సారించిన ఆయన ప్రభాస్ నటించిన సాహో చిత్రం రైట్స్ కూడా పోందాలని యోచించాడు.

అయితే అప్పటికే సాహో నిర్మాణ వర్గంతో ఒప్పందాలు కుదుర్చుకున్న టీ సీరీస్ సంస్థ ఆ రైట్స్ ను పోందడంతో.. అలస్యం అమృతం విషం అన్న విషయాన్ని గ్రహించాడు కరణ్. దీంతో రాజమౌళి దర్శకత్వంలో రూపొందనున్న దక్షిణాది చలనచిత్ర బిగెస్ట్ మల్లీస్టారర్ గా పేరొందిన చిత్రాన్ని కూడా బాలీవుడ్ లో విడుదల చేసేందుకు సిద్దం అవుతున్నాడు. దీంతో తన తాజా చిత్రమైన మల్టీస్టారర్ ను కూడా హిందీలో విడుదల చేయాలనే ఆలోచనలో రాజమౌళి వున్నారని తెలుస్తుంది.

డీవీవీ దానయ్య నిర్మాతగా 300 కోట్ల బడ్జెట్ తో ఈ సినిమాను రూపొందించనున్నారు. జానియర్ ఎన్టీఆర్ .. రాం చరణ్ తేజ్ నటించే ఈ సినిమాను తెలుగు .. తమిళ భాషల్లో విడుదల చేయాలనుకున్నారు. కానీ భారీ బడ్జెట్ కావడం వలన .. హిందీలోనూ విడుదల చేస్తేనే వర్కౌట్ అవుతుందని భావించి, హిందీలో విడుదల చేయడానికి కరణ్ జొహార్ ని రంగంలోకి దింపబోతున్నట్టుగా తెలుస్తోంది. నవంబర్ నుంచి ఈ సినిమా రెగ్యులర్ షూటింగ్ మొదలుకానుంది.