అక్షయ్ కుమార్ తో విక్రమ్ మూవీ

Posted: 03/14/2018 12:33 PM IST

13బీ, మనం, 24, హలో, ఇలా... వేటికవే వైవిధ్యభరితమైన చిత్రాలు. దర్శకుడు విక్రమ్ కుమార్ ప్రయోగాలపై ప్రేక్షకుల్లో మంచి అంచనాలు ఏర్పాడ్డాయి. అయితే తన తర్వాతి చిత్రం విషయంలోనే ఆయన ఇప్పటిదాకా స్ఫష్టత ఇవ్వలేకపోయారు.

ఆ మధ్య అల్లు అర్జున్ తో ఓ చిత్రం అనుకున్నప్పటికీ.. అది పెద్దగా వర్కవుట్ కాలేదు. తర్వాత నానితో ఓ సినిమా అన్న వార్తలు వినిపించినా.. సెకండాఫ్ కథ నచ్చకపోవటంతో నాని డ్రాప్ అయ్యాడని వార్తలు వినిపించాయి. చివరాఖరికి ఈ దర్శకుడికి ఓ హీరో దొరికాడనే ఇప్పుడు తెలుస్తోంది.

బాలీవుడ్ యాక్షన్ హీరో అక్షయ్ కుమార్ తో విక్రమ్ ఓ కథను ఓకే చేశాడంట. జూన్ నుంచి ఈ చిత్రం పట్టాలెక్కే ఛాన్సు ఉంది. ఇక గతంలో ప్రియదర్శన్ అక్షయ్ కుమార్ హీరోగా తెరకెక్కించిన హెరా ఫెరి చిత్రానికి విక్రమ్ కుమార్ అసిస్టెంట్ డైరెక్టర్ గా పనిచేయటం విశేషం.