సాయి పల్లవి కణం మళ్లీ వాయిదా

Posted: 02/17/2018 05:10 PM IST

ప్రేమమ్ మలార్ టాలీవుడ్ లో మొదటి చిత్రంతోనే ఆడియన్స్ ను ఫిదా చేసేసింది. తర్వాత ఎంసీఏతో ఆకట్టకున్న ఆమె తమిళ డెబ్యూకి రెడీ అయిపోయింది. బైలింగువల్ కరు(తమిళ్), కణం(తెలుగు)తో పలకరించేందుకు సిద్ధమైపోయింది.

అయితే ఈ చిత్రం ఎప్పటికప్పుడు వాయిదా పడుతూ చివరకు మార్చి 3న రిలీజ్ అవుతుందని నిర్మాతలు ప్రకటించారు. తాజా సమాచారం ఏంటంటే.. ఇప్పుడు కూడా ఆ చిత్రం మళ్లీ పోస్ట్ పోన్ అయ్యిందని. మార్చి 23వ తేదీన రిలీజ్ చేయబోతున్నారంట. అధికారిక ప్రకటన విడుదల చేయాల్సి ఉంది.

లైకా ప్రొడక్షన్ హౌజ్ నిర్మించిన ఈ చిత్రానికి ఏఎల్ విజయ్ దర్శకత్వం వహించనున్నాడు. వివాహం కాకముందే గర్భవతి అయన ఓ యువతి.. అబార్షన్.. తర్వాత హర్రర్ డ్రామా ఇలా సినిమా ఉండబోతోంది. నాగ శౌర్య హీరోగా నటిస్తున్న ఈ చిత్రంలో పెళ్లి చూపులు ఫేమ్ ప్రియదర్శి ఓ కీలక పాత్ర పోషించాడు.