నటుడు అనుపమ్ ఖేర్ ట్విటర్ హ్యాక్

Posted: 02/06/2018 03:49 PM IST

బాలీవుడ్ సీనియర్ నటుడు అనుపమ్ ఖేర్ కు ఊహించని అనుభవం ఎదురైంది. ఆయన ట్విటర్ అకౌంట్ హ్యాకింగ్ కు గురైంది. ఈ విషయాన్ని ఆయనే స్వయంగా వెల్లడించారు.

ఖేర్ అకౌంట్‌ను పాక్ అనుకూల టర్కీ సైబర్ ఆర్మీ అయిల్డిజ్ టిమ్ హ్యాక్ చేసింది. మీ మీ డేటాను పట్టేశాం. ఐ లవ్ పాకిస్థాన్ అనే ట్వీట్ ఆయన ఖాతాలో దర్శనమిచ్చింది. ఈ విషయం తెలిసిన వెంటనే ఖేర్ ట్విటర్ కు ఫిర్యాదు చేయటంతో అకౌంట్‌ను ట్విట్టర్ తాత్కాలికంగా సస్పెండ్ చేసింది.

తాను లాస్‌ఏజెంల్స్‌లో ఉన్నానని, ఇండియాలోని కొందరు మిత్రులు ఈ విషయాన్ని తన దృష్టికి తెచ్చారని ఆయన తెలిపారు. అనుపమ్ ఖేర్ అకౌంట్‌కు ఏమైంది? ఎవరైనా హ్యాక్ చేశారా? అంటూ పలువురు యూజర్లు ట్విటర్‌‌‌లో ప్రశ్నల వర్షం కురిపిస్తున్నారు.