నితిన్ 25వ చిత్రం తేదీలు ఖరారు

Posted: 02/05/2018 04:11 PM IST

యంగ్ హీరో నితిన్ 25వ చిత్రం తేదీలు ఖరారు అయ్యాయి. ఫస్ట్ లుక్, టీజర్, మరియు రిలీజ్ తేదీలను ఒకేసారి ప్రకటించేశారు. రౌడీ ఫెలో ఫేమ్ కృష్ణచైతన్య డైరెక్ట్ చేస్తుండగా, పవర్ స్టార్ పవన్ కల్యాణ్ క్రియేటివ్ వర్క్స్ తో కలిసి సుధాకర్ రెడ్డి సంయుక్తంగా ఈ చిత్రాన్ని నిర్మిస్తున్నారు. ఈ సినిమాలో నితిన్ కు జోడీగా లై బ్యూటీ మేఘా ఆకాశ్ నటిస్తోంది.

ఈ నెల 12వ తేదీన ఈ సినిమా టైటిల్ తో ఫస్ట్ లుక్ ను విడుదల చేయనున్నారు. ఇది ప్రేమకథా చిత్రం కావడం వలన .. యూత్ కి కనెక్ట్ అయ్యే కంటెంట్ కావడం వలన, ఈ నెల 14వ తేదీన ఫస్టు టీజర్ ను రిలీజ్ చేయనున్నట్టు చెబుతున్నారు. టీజర్ తోనే సినిమాపై అంచనాలు భారీగా పెరిగేలా జాగ్రత్తలు తీసుకుంటున్నారు. ఇక సినిమాను కూడా ఏప్రిల్ 5వ తేదీన విడుదల చేయాలని నిర్ణయించుకున్నారు. థమన్ ఈ చిత్రానికి సంగీతం.. అ..ఆ.. ఫేమ్ నటరాజ్ సుబ్రమణ్యన్ కెమెరా వర్క్ అందిస్తున్నారు.

లై పరాజయంతో డీలాపడిపోయిన నితిన్ ఆ వెంటనే తేరుకుని.. ఈ సినిమా చేస్తున్నాడు. యూత్ ఫుల్ ఎంటర్ టైనర్ కావటంతో తనకి ఈ చిత్రం తప్పకుండా సక్సెస్ ను ఇస్తుందనే నమ్మకంతో నితిన్ ఉన్నాడు. ఈ సినిమాకి 'గుర్తుందా శీతాకాలం' అనే టైటిల్ ను పరిశీలిస్తున్నారు.