రాజకీయాలపై మోహన్ బాబు సంచలన వ్యాఖ్యలు

Posted: 01/19/2018 06:47 PM IST

రాజకీయాలపై నటుడు మోహన్ బాబు సంచలన వ్యాఖ్యలు చేశారు. ప్ర‌జ‌ల‌కు రాజ‌కీయ నాయ‌కులు ఎన్నో హామీలిస్తున్నార‌ని, కానీ వాటిని నిల‌బెట్టుకోవ‌డం లేద‌ని, వారు మాట నిలబెట్టుకుంటే భార‌త్ ఇంకా మంచి స్థానంలో ఉండేదని సినీన‌టుడు మోహన్‌బాబు అన్నారు.

95 శాతం మంది పొలిటీషియన్లు రాస్కెల్స్ అని ఆగ్ర‌హం వ్య‌క్తం చేశారు. 'ఇండియాటుడే సౌత్‌ కాంక్లేవ్‌ 2018లో పాల్గొన్న మోహ‌న్ బాబు మాట్లాడుతూ... త‌న‌ స్నేహితుడు, తాను అన్న అని పిలుచుకునే ఎన్టీఆర్ మాత్రం చాలా మంచి వ్యక్తని అన్నారు. నిజాయితీకి నిలువెత్తు నిదర్శనం ఎన్టీఆర్ అని.. లంచం అంటే ఏమిటో కూడా ఆయనకు తెలియదని మోహన్ బాబు చెప్పారు. త‌న‌ను రాజ్యసభకు పంపిందని ఎన్టీఆర్ అని.. తాను ఎలాంటి మచ్చ లేకుండా త‌న‌ పదవీ కాలాన్ని పూర్తి చేశానని చెప్పుకొచ్చారు.

ఈ వేదికపై త్వరలో రాజకీయాల్లో రాబోతున్న కమల్, రజనీల గురించి కూడా మోహన్ బాబు ప్రస్తావించారు. ముఖ్యంగా రజనీతో తన అనుబంధం ప్రత్యేకమైందని వెల్లడించారు. సినిమాలు వేరని.. రాజకీయాలు వేరని ఆయన చెప్పుకొచ్చారు. ప్రజలకు హామీలిచ్చి మోసం చేయడం పొలిటీషియన్లకు అలవాటుగా మారిందని ఆయన చెప్పారు. ఇదే వేదికపై తన కూతురు మంచు లక్ష్మితో కలిసి ఆయన జీవిత విశేషాలను పంచుకున్నారు.