మనసుకు నచ్చింది రీలీజ్ డేట్ చెప్పేశారు

Posted: 01/05/2018 04:49 PM IST

నటుడు కృష్ణ తనయ మంజుల ప్రస్తుతం డైరెక్షన్ విభాగంలోకి అడుగు పెట్టిన విషయం తెలిసిందే. సందీప్ కిషన్ హీరోగా మనసుకు నచ్చింది అనే చిత్రాన్ని తెరకెక్కించారు. ఇటీవలె రిలీజ్ అయిన ఆ టీజర్ కు మంచి స్పందన కూడా లభించింది. అయితే ఈ చిత్ర విడుదల విషయంలోనే ఇప్పుడు మరో నిర్ణయం తీసుకున్నట్లు తెలుస్తోంది.

లవ్ స్టోరీ కావటంతో తొలుత ఫిబ్రవరి రెండో వారంలో చిత్రాన్ని విడుదల చేయటానికి మొగ్గు చూపారు. అయితే ఆ సమయంలో వరుణ్ తేజ్, సాయి ధరమ్ తేజ్, మరో రెండు చిత్రాలు రిలీజ్ కు రెడీగా ఉన్నాయి. దీంతో రిలీజ్ ను ప్రీ పోన్ చేసేశారు. ఈ నెల 26వ తేదీన ఈ సినిమాను భారీస్థాయిలో ప్రేక్షకుల ముందుకు తీసుకురానున్నారు. అమైరా దస్తూర్ కథానాయికగా నటించిన ఈ సినిమాలో, త్రిదా చౌదరి కీలకమైన పాత్రను పోషించింది. యూత్ కి కనెక్ట్ అయ్యే ప్రేమకథాంశంతో ఈ సినిమా తెరకెక్కింది. ఈ సినిమాలో మంజుల కూతురు కూడా ఓ ముఖ్యమైన పాత్రలో కనిపించనుండటం విశేషం.

ఓవైపు తెలుగుతోపాటు తమిళ భాషల్లో వైవిధ్యభరితమైన కథలను .. పాత్రలను ఎంపిక చేసుకుంటూ, సందీప్ కిషన్ తన ప్రత్యేకతను చాటుకుంటున్నాడు. అయితే హిట్లు మాత్రం పడటం లేదు. ఈ నేపథ్యంలో మంజుల సినిమాతోనైనా సందీప్ కెరీర్ గాడిన పడుతుందేమో చూడాలి. కానీ, అదే సమయానికి తెలుగులో అనుష్క భాగమతి,  విష్ణు నటించిన ఆచారి అమెరికా యాత్రతోపాటు విశాల్ అభిమన్యుడు కూడా విడుదల కానున్నాయి.