నా పేరు సూర్య.. ఆ సీక్రెట్ ఏంటో?

Posted: 12/23/2017 04:41 PM IST

మాటల రచయిత వక్కంతం వంశీ డైరెక్టర్ గా మారి తీస్తున్న చిత్రం ' నాపేరు సూర్య' చిత్రం తెరకెక్కుతోంది. స్టైలిష్ స్టార్ అల్లు అర్జున్ కథానాయకుడిగా నటిస్తోన్న ఈ సినిమా, ఇప్పటికే చాలా వరకూ చిత్రీకరణను పూర్తి చేసుకుంది.

ఆర్మీ ఆఫీసర్ పాత్రలో అల్లు అర్జున్ నటిస్తోన్న ఈ సినిమా నుంచి, ఈ రోజు రాత్రి 10 గంటల 30 నిమిషాలకి ఒక సీక్రెట్ ను రివీల్ చేయనున్నారట. ఈ విషయాన్ని తెలియజేస్తూ, ప్రత్యేకంగా ఒక పోస్టర్ ను కూడా వదిలారు. అభిమానులందరిలో ఆసక్తిని
పెంచే విషయమే ఇది.

ఫస్టులుక్ ను రిలీజ్ చేయవచ్చనీ .. అలాగే టీజర్ రిలీజ్ డేట్ ను ప్రకటించవచ్చనే అభిప్రాయాలు వ్యక్తమవుతున్నాయి. విశాల్ - శేఖర్ సంగీతాన్ని సమకూర్చుతోన్న ఈ సినిమాను, ఏప్రిల్ 27వ తేదీన విడుదల చేయనున్నారు. లగడపాటి శ్రీధర్ నిర్మిస్తోన్న ఈ సినిమాలో, యాక్షన్ కింగ్ అర్జున్ విలన్ గా నటిస్తుండగా, అనూ ఇమ్మాన్యుయేల్ కథానాయికగా కనిపించనుంది.