భాగమతి ప్రమోషన్లు.. అనుష్క ఎక్కడ?

Posted: 12/07/2017 01:41 PM IST

ఫస్ట్ లుక్ విడుదల తప్ప భాగమతి చిత్ర విషయంలో ఇప్పటిదాకా ఎలాంటి క్లారిటీ లేకుండా పోయింది. ఆ పోస్టర్ లో కూడా అనుష్క గ్రాఫిక్స్ లుక్కే వాడారన్న విమర్శలు వినిపించాయి. అయితే వాటిని పటాపంచల్ చేస్తూ ఫేస్ బుక్ లో అనుష్క స్లిమ్ అవతారంలో కొత్త ఫోటో పెట్టింది.

ఇదిలా ఉంటే రిపబ్లిక్ డే కానుకగా భాగమతి చిత్రం విడుదల కావాల్సి ఉంది. అయతే ప్రమోషన్లలో పాల్గొనాల్సిన సమయంలో అనుష్క కనిపించకుండా పోవటం ఇప్పుడు చర్చనీయాంశంగా మారింది. ప్రస్తుతం ఆమె తీవ్ర నడుం నొప్పితో బాధపడుతోందని సమాచారం. ఈ మేరకు కేరళ వెళ్లి మరీ ఆమె ప్రకృతి చికిత్స తీసుకుంటుందంట. అది పూర్తవ్వగానే వచ్చి ప్రమోషన్లలో పాల్గొంటుందని చిత్ర యూనిట్ నుంచి సమాచారం అందుతోంది.

స్లిమ్ అయిన అనుష్కను చూసేయాలని ఆమె వీరాభిమానులు ఎంతగానో ఆత్రుతగా ఎదురుచూస్తున్న సమయంలో ఆమె అనారోగ్యం ఇప్పుడు చిత్రానికి కొత్త సమస్యగా మారింది. అసలే భారీ బడ్జెట్ తో యూవీ క్రియేషన్స్ వాళ్లు చిత్రాన్ని తెరకెక్కించారు.