గుండెపోటుతో సంగీత దర్శకుడు ఆదిత్యన్ కన్నుమూత

Posted: 12/06/2017 03:13 PM IST

ప్రముఖ తమిళ సంగీత దర్శకుడు ఆదిత్యన్ హఠాన్మరణం చెందారు. మంగళవారం రాత్రి ఆయన కన్నుమూసినట్లు తెలుస్తోంది.

గత రాత్రి హైదరాబాద్ లో ఉన్న త‌న కూతురిని చూడటానికి హైద‌రాబాద్‌కు వ‌చ్చిన ఆదిత్య‌న్ ఒక్క‌సారిగా కుప్పకూలిపోయారు. కిడ్నీ ఫెయిల్యూర్ తో ఆయన చనిపోయినట్లు వైద్యులు తెలిపారు. 1992లో అమరన్ చిత్రం ద్వారా కెరీర్ ను ప్రారంభించిన ఆయన దాదాపు పాతిక దాకా సినిమాలకు సంగీతం అందించారు. భార‌త్‌, మలేషియాలో విడుదలైన తమిళ పాప్‌, రీమిక్స్‌ ఆల్బమ్స్ ను ఆయ‌న రూపొందించారు. సీవల్‌ పేరి పాండి, నాయ‌ల సైది వంటి సినిమాల‌కు ఆయ‌న అందించిన సంగీతం ప్ల‌స్ పాయింట్ గా నిలిచింది.

జయ టీవీలో 8 ఏళ్ల పాటు ఆదిత్యన్ కిచెన్ పేరుతో ఓ వంట షోను స్వయంగా హోస్ట్ గా ఆయనే నిర్వహించారు. ఆయ‌న హ‌ఠాన్మ‌ర‌ణంపై సినీ ప్ర‌ముఖులు సంతాపం వ్య‌క్తం చేస్తున్నారు. రేపు చెన్నైలో ఆయ‌న‌ అంత్యక్రియలను నిర‍్వహిస్తారు.