ఇవాంక కోసం చీర సెలక్ట్ చేసిన సమంత

Posted: 11/28/2017 10:54 AM IST

తెలంగాణ రాష్ట్ర చేనేత శాఖకు ప్రచార కర్తగా వ్యవహరిస్తున్న నటి సమంత అక్కినేనికి సర్కార్ మరో కీలక బాధ్యతలను అప్పజెప్పింది. హైదరాబాద్ పర్యటనలో ఉన్న ఇవాంక ట్రంప్ కోసం చీర సెలక్ట్ చేసే పనిని సమంతనే చూసుకుంటుందంట.

చేనేత అంబాసిడర్ గా నియమింపబడ్డాక సమంత చాలా క్రియాశీలకంగా వ్యవహరించిన విషయం తెలిసిందే. పలు చోట్ల తిరిగి మగ్గాలు, చీరలను పరిశీలించి ప్రభుత్వం దృష్టికి తీసుకెళ్లింది. ఈ నేపథ్యంలోనే ఈ ప్రధాన బాధ్యతలను కూడా సమంతకే అప్పగించారు. 50 ఏళ్ల చరిత్ర, పైగా జియోగ్రాఫికల్ ఇండికేషన్ లో హక్కులను దక్కించుకున్న సిద్ధిపేట గొల్లభామ చీరను ఇవాంకకు బహుకరించేందుకు సిద్ధమైపోయారు.

తిరిగి అమెరికాకు బయలుదేరే సమయంలో ఇవాంకకు దీనిని బహుకరించబోతున్నారు. అయితే ఇది సమంతే స్వయంగా అందజేస్తుందా? లేక అధికారులా అన్నది మాత్రం ఇంకా తేలలేదు.