మెగా హీరోపై మంచు మనోజ్ ట్వీట్

Posted: 11/23/2017 07:12 PM IST

మెగా-మంచు ఫ్యామిలీల మధ్య కొంత కాలం క్రితం పచ్చగడ్డి వేస్తే భగ్గుమనే పరిస్థితులు ఉండేవి. పైకి నవ్వుతూ మాట్లాడుతూనే సెటైర్లు వేసుకోవటం ఆయా హీరోలకు అలవాటే. వజ్రోత్సవాలు వేదికగా.. చిరు-మోహన్ బాబు స్పీచ్ లు మంటపుట్టించగా... పద్మభూషణ్ సన్మాన కార్యక్రమంలో పవన్ స్పీచ్ తో అది మరింతగా ముదిరింది.

కానీ, కొంత కాలంగా ఆ పరిస్థితులు పూర్తిగా మారిపోయాయి. మనోజ్ పెళ్లిలో పవన్ కళ్యాణ్ సందడి.. అదే సమయంలో చెర్రీ-ఉపాసన దంపతులతో మంచు లక్ష్మీ ఔటింగ్.. అల్లు అర్జున్ తో కూడా మనోజ్ స్నేహం మెయింటెన్ చేయటం ఇలా స్నేహపూర్వక వాతావరణం కనిపిస్తూ వస్తోంది. ఈ దశలో మొన్నీ మధ్యే రామ్ చరణ్ పై మంచు మనోజ్ ఓ ఆసక్తికర ట్వీట్ చేశాడు. "నా సోదరుడు రామ్ చరణ్ 'రంగస్థలం' పాటలు వినిపించినప్పటి నుంచి... అవి నన్ను వెంటాడుతున్నాయి. ఆడియో - సినిమా రిలీజ్ కోసం వెయిట్ చేయలేకపోతున్నా. వెంటనే విడుదల చేయండి" అంటూ మనోజ్ చేసిన ట్వీట్ వైరల్ అయింది.

తాజాగా మరో మెగా హీరోపై మంచు మనోజ్ ఓ ఇంట్రెస్టింగ్ ట్వీట్ చేశాడు. ఇవాళ సాయి ధరమ్ తేజ్ కొత్త చిత్రం జవాన్ ట్రైలర్ విడుదల అయ్యింది. అది చూసిన రంజిత్ సింగ్ అనే ఓ ఫ్యాన్.. తేజూను చూస్తుంటే మెగాస్టార్ చిరంజీవి గుర్తుకొస్తున్నారంటూ ట్వీట్ చేశాడు. దీనికి అనూహ్యంగా మంచు మనోజ్ రిప్లై ఇచ్చాడు. "అఫ్ కోర్స్ మా వాడిది వాళ్ల మేనమామ పోలిక. ఎక్కడికి పోతుంది... అంటూ మనోజ్ రిప్లై ఇచ్చాడు. దీంతో ఈ ట్వీట్ సోషల్ మీడియాలో వైరల్ అయింది.