జ్యోతిక డైలాగ్ పై దుమారం

Posted: 11/17/2017 08:36 AM IST

నటి, సూర్య భార్య జ్యోతిక సెకండ్ ఇన్నింగ్స్ లో వరుస సినిమాలతో దూసుకుపోతుంది. ఈ నేపథ్యంలో నాచియర్ అనే చిత్రంలో ఆమె నటించింది. డైరెక్టర్ బాలా ఈ చిత్రాన్ని తెరకెక్కిస్తున్నారు. ఇక ఈ చిత్ర టీజర్ ఈ మధ్యే విడుదల కాగా.. ఇందులో జ్యోతిక నోటి నుంచి వచ్చిన ఓ డైలాగ్ పై తీవ్ర వ్యతిరేకత వ్యక్తం అవుతోంది.

ఈ చిత్రంలో ఆమె ఓ పవర్ ఫుల్ పోలీసాఫీసర్ గా నటిస్తోంది. టీజర్ లో భాగంగా ఆమెతో యాక్షన్ సీన్లు చూపించిన దర్శకుడు చివర్లో ఆమె నోటి నుంచి ఓ డైలాగ్ కూడా చెప్పించాడు. అది దాదాపు అర్జున్ రెడ్డి ‘ఎం’ పదం లాంటిదే. మ్యూట్ లేకుండా విడుదల చేసిన ఈ డైలాగుపై పలువురు విమర్శలు గుప్పిస్తున్నారు.

అయితే బాలా చిత్రంలో ఇలాంటివి సాధారణమే అయినప్పటికీ మరీ జ్యోతిక నుంచి వచ్చేసరికి ఇలా అభ్యంతరాలు వ్యక్తం అవుతున్నాయి. కాగా, ఈ చిత్రంలో జీవీ ప్రకాశ్‌కుమార్‌ హీరోగా నటిస్తున్నారు. ఈ చిత్రానికి సెన్సార్ చిక్కులు తప్పవేమో చూడాలి.