అమీర్ సినిమా దంగల్ తప్ప ఏం చూడలేదు : జైరా వాసిమ్

Posted: 10/12/2017 06:50 PM IST

బాలీవుడ్ నటి జైరా వసీమ్ ఆసక్తికర వ్యాఖ్యలు చేసింది. దంగల్ తప్ప అసలు అమీర్ చిత్రాలేవీ చూడలేదని ఆమె వ్యాఖ్యానించింది. ‘దంగల్’ సినిమాలో గీతా ఫొగట్ పాత్ర పోషించిన జైరా వసీమ్.. ప్రస్తుతం అమీర్ ఖాన్ కొత్త చిత్రం ‘సీక్రెట్ సూపర్ స్టార్’లో ఓ కీలక పాత్రలో నటిస్తోంది. ఈ సందర్భంగా ఓ ఇంటర్వ్యూలో ఆమె మాట్లాడుతూ, తాను ఎప్పుడూ నటిని అవుతానని అనుకోలేదని ఆమె అంటోంది.

నాకు అసలు సినిమాలు చూడటమంటే ఇష్టమే లేదు. ఒకవేళ సినిమా చూసేందుకు ఒకవేళ థియేటర్ కు వెళ్లినా... సినిమా పూర్తయ్యే వరకు ఉండలేనని చెప్పింది. తాను చివరిసారిగా చూసిన సినిమా ‘దంగల్’ అని మాత్రమే పేర్కొంది. ఈ సినిమా ద్వారా తనకు ఎంతో స్టార్ డమ్ వచ్చినప్పటికీ సాధారణ జీవితమే గడుపుతున్నానని చెప్పింది. సక్సెస్ కు నిర్వచనమంటూ లేదని, సక్సెస్ ను నెత్తినెక్కించుకున్నమరుక్షణమే పతనమవుతామని జైరా వసీమ్ చెప్పుకొచ్చింది.

అమీర్ కీలక పాత్రలో నటించి నిర్మించిన సీక్రెట్ సూపర్ స్టార్ సినిమా త్వరలో రిలీజ్ కానుంది. తన ఉనికిని బయటపెట్టకుండా ఓ యువతి తనలోని రహస్య టాలెంట్ ను బయటపెట్టే కథాంశంతో ఈ సినిమా తెరకెక్కింది.