రాజు గారి గది 2... రీమేక్ కాదు : ఓంకార్

Posted: 10/10/2017 05:00 PM IST

హర్రర్ థ్రిల్లర్ రాజుగారి గది 2 మరో మూడు రోజుల్లో ప్రేక్షకుల ముందుకు రాబోతోంది. ఈ నేపథ్యంలో ఈ సినిమా తెరకెక్కడానికి దారితీసిన పరిస్థితులను గురించి తాజాగా ఓ యూట్యూబ్ ఛానెల్ కు ఇచ్చిన ఇంటర్వ్యూలో ఓంకార్ వివరించాడు. అంతేకాదు మళయాళ చిత్రం ప్రేతమ్ కు రీమేక్ అన్న వార్తలను ఆయన ఖండించారు.

ఈ నేపథ్యంలో తాను పీవీపీ గారిని సరదాగా కలిసినప్పుడు ఆయన 'రాజుగారి గది 2' చేద్దామన్నారనీ అప్పుడే కథ పుట్టిందని ఓంకార్ అన్నాడు. రాజుగారి గది 2 పేరుతో తాను సిద్ధం చేసుకున్న కథను ముందుగా వెంకటేశ్ కి వినిపించడం జరిగిందనీ, ఆయనకి ఆ కథ బాగా నచ్చేసిందని అన్నారు.తాను కమిటైన రెండు సినిమాల తరువాత ఆయన ఈ సినిమా చేస్తానన్నారని చెప్పారు.
అయితే తనకి వినిపించిన కథను మాత్రం తానే చేస్తానంటూ వెంకటేశ్ ఆ కథను లాక్ చేసుకున్నారని చెప్పారు.

అప్పుడు అదే టైటిల్ తో .. మలయాళ మూవీ 'ప్రేతమ్' నుంచి తీసుకున్న ఓ పాయింట్ తో కొత్త కథను తయారుచేసుకోవడం జరిగిందని చెప్పారు. సినిమా యాజ్ ఇట్ ఈజ్ గా తీయలేదని చాలా వరకు మార్పులు చేశానని ఓంకార్ చెప్పారు. వెంకటేశ్ గారి కోసం అనుకున్న కథ అలాగే ఉందని, ఆయనతోనే ఆ చిత్రం తీస్తానని ఓంకార్ చెప్పాడు. ఇకపై కూడా ఇంగ్లిష్ మూవీస్ తరహాలో 'రాజుగారి గది'కి సీక్వెల్స్ వస్తూనే వుంటాయని చెప్పుకొచ్చారు.

ఓ రిసార్ట్ లో ఇద్దరు యువతుల మధ్య ఇగో సమస్య తలెత్తటం.. అందులో ఓ యువతి మరో యువతి స్నానం చేస్తుండగా వీడియో తీసి నెట్ లో పెట్టడం. అవమానభారంతో యువతి చనిపోవటం. దెయ్యమై ఆ రిసార్ట్ వచ్చేవారిని వేధించటం.. అప్పుడే మెంటలిస్ట్ రంగంలోకి దిగి సమస్యను పరిష్కరించటం ఇదే కథ అని చెబుతున్నారు.