సైబర్ క్రైమ్ షార్ట్ ఫిల్మ్స్ కోసం రాజమౌళి, ఎన్టీఆర్

Posted: 08/28/2017 04:26 PM IST

టాలీవుడ్ లో ఈ ఇద్దరి కాంబినేషన్ లో అల్రెడీ బ్యాక్ టూ బ్యాక్ బ్లాక్ బస్టర్లు రాగా, మరోకటి ఎప్పుడు వస్తుందా? అని ఎదురు చూస్తున్నారు. బాహుబలి తర్వాత వీరిద్దరి కాంబోలో సినిమా అని ఓ పుకారు రేగగానే సర్వత్రా ఆసక్తి నెలకొంది.

ఇక ఈ ఇద్దరు ఇప్పుడు ఓ మంచి కార్యం కోసం ముందుకు వచ్చినట్లు తెలుస్తోంది. హైదరాబాద్ లో పెరిగిపోతున్న సైబర్ క్రైమ్స్ ను అదుపు చేసేందుకు అధికారులు తీవ్రంగా యత్నిస్తున్నారు. ముందుగా ప్రజల్లో ఓ అవగాహన తీసుకురావాలని, అందుకోసం షార్ట్ ఫిల్మ్స్ ప్రదర్శించాలని యత్నిస్తోంది. అయితే వాటికి వాయిస్ ఓవర్ ఈ ఇద్దరితో ఇప్పించాలని పోలీసులు నిర్ణయించుకున్నారు.

ఈ విషయం తెలియజేసిన వెంటనే వాళ్లు సంతోషంగా అంగీకరించారంట. ఎన్టీఆర్ ఇప్పటికే వాయిస్ ఓవర్ ఇచ్చేయగా, రాజమౌళి డైరక్షన్ సలహాలు కూడా ఇవ్వబోతున్నాడని తెలుస్తోంది. త్వరలోనే వీటిని అన్ని ప్రాంతాల్లో ప్రదర్శించబోతున్నారు.