తారక్ అభిమానులకు మరో గుడ్ న్యూస్

Posted: 05/20/2017 12:47 PM IST

యంగ్ టైగర్ ఎన్టీఆర్ అభిమానులకు ఆయన జన్మదినం రోజు బాగా కలసోచ్చింది. ఆయన బర్తడేను పురస్కరించుకుని అభిమానులు సంబరాలు చేసుకుంటున్న నేపథ్యంలో దానికి కొంత కొత్త కలరింగ్ నిచ్చే పనిలో పడ్డాయి ఆయనతో తదుపరి ప్రాజెక్టులు చేయనున్న నిర్మాణ సంస్థలు. ఇప్పటికే జై లవకుశ చిత్రానికి సంబంధించిన ఫస్ట్ లుక్ విడుదల కాగా, తాజాగా ఆ తరువాత పట్టాలెక్కకున్న కొత్త ప్రాజెక్టుకు సంబంధించిన నిర్మాణ సంస్థ కూడా తారక్ కు బెస్ట్ విషెస్ చెప్పింది.

కొరటాల శివ దర్శకత్వంలో ఎన్టీఆర్ మరో సినిమా చేయనున్నట్టు కొన్ని రోజులుగా వార్తలు షికారు చేస్తున్నాయి. తాజాగా ఈ కాంబినేషన్లో సినిమా కాన్ఫామ్ అయ్యిందన్న సంతకేతాలు వచ్చాయి. స్వయంగా ఆ చిత్ర దర్శక నిర్మాతలు ఈ విషయాన్ని అధికారికంగా ప్రకటించారు. ఎప్పుడు..? ఎక్కడా..? అని కంగారుపడకండీ.. ఇందుకు సంబంధించిన పోస్టర్ ను వారు రిలీజ్ చేశారు.

ఇక ఈ రోజున కొరటాలతో ఎన్టీఆర్ చేయనున్న సినిమాకి సంబంధించిన పోస్టర్ ను రిలీజ్ చేసి, అభిమానుల్లో మరింత ఉత్సాహాన్ని నింపారు. ఈ సినిమాకి కొరటాల స్నేహితుడు మిక్కిలినేని సుధాకర్ నిర్మాతగా వ్యవహరించనున్నాడు. గతంలో కొరటాల శివతో ఎన్టీఆర్ చేసిన 'జనతా గ్యారేజ్' ఘన విజయాన్ని సాధించడం వలన, ఈ ప్రాజెక్టు పై అంచనాలు ఒక రేంజ్ లో పెరిగే ఛాన్స్ వుంది. కాగా ఈ చిత్రానికి యువ సుధ అర్ట్స్ సమర్పిస్తుంది.