కాటమరాయుడు ఏంటి పరిస్థితి?

Posted: 01/23/2017 03:58 PM IST

రాజకీయ ఆరంగ్రేటం చేయటం ఏమోగానీ పవన్ కళ్యాణ్ రెండు పడవల మీద ప్రయాణం నత్తనడకన సాగుతూ వస్తోంది. ఎన్నికల సమయంలో పూర్తిగా ప్రచారంలో బిజీ అయిపోయిన పవన్ ఆ టైంలో సినిమాల ఊసుఎత్తలేదు. అయినా అభిమానులు చాలా ఓపికగా ఎదురు చూశారు. ఆ తర్వాత గ్యాప్ తో సర్దార్ గబ్బర్ సింగ్ గా ముందుకు వచ్చినా నిరాశపరిచాడు. మళ్లీ బ్యాక్ టూ బ్యాక్ సినిమాలు చేసేయటం, పైగా కాటమరాయుడు షూటింగ్ మొదలుపెట్టి ఫస్ట్ లుక్ అంటూ హడావుడి చేయటంతో పవన్ అభిమానుల్లో సందడి నెలకొంది.

అయితే ఉన్నపళంగా తిరిగి రాజకీయ సమస్యలపై దృష్టిసారించటంతో సినిమాల పరిస్థితి ఏంటన్నది ప్రశ్నార్థకంగా మారింది. అయినప్పటికీ రెండింటిని బ్యాలెన్స్ చేసుకుంటూ షూటింగ్ లో పాల్గొన్నాడు. ఇప్పటికే సగంకి పైగా షూటింగ్ అయిపోయిన కాటమరాయుడు ఇంకా టాకీ పార్ట్ బాలెన్స్ తోపాటు పాటల చిత్రీకరణ మిగిలి ఉంది. జనవరి 26న టీజర్ రిలీజ్ కాబోతుందని అనౌన్స్ చేసిన చిత్ర యూనిట్ ఇప్పుడు అఫీషియల్ గానే టీజర్ పోస్ట్ పోన్ అంటూ ప్రకటించింది.

 

#Katamarayudu teaser will not be released on 26th Jan. Will announce the date soon. Stay subscribed and thanks for the support

— Northstar (@nseplofficial) January 22, 2017

ఇష్టం ఉన్న సమయానికి షూటింగ్ కు వస్తాడని, తనకు నచ్చని దర్శకులను మార్చేస్తాడన్న విమర్శలు ఇప్పటికే పవన్ పై ఉన్నాయి. అవన్నీ అధిగమిస్తూ ఎలాగోలా కాటమరాయుడు చాలా ఫాస్ట్ గా మేజర్ పార్ట్ షూటింగ్ జరుపుకుంది. ఇలాంటి సమయంలో ప్రత్యేక హోదా లాంటి పెద్ద బాధ్యతను నెత్తిన వేసుకుంటే మాత్రం సినిమా అనుకున్న టైంకి రిలీజ్ కావటం అనుమానమే. పవన్ కళ్యాణ్ కష్టాలు షరామామూలేగా అనేవారి నోళ్లు మూత పడాలంటే వ్యవహారాలను తొందరగా చక్కనపెట్టుకుని త్వరగతిన మిగతా ప్రాజెక్టులపై కూడా కాంసంట్రేషన్ చేస్తే మంచిదని సీనియర్లు సూచిస్తున్నారు.