అప్పుడు రజనీకాంత్.. ఇప్పుడు చిరంజీవి

Posted: 01/09/2017 10:06 AM IST

మెగాస్టార్ చిరంజీవి రీఎంట్రీ చిత్రం 'ఖైదీ నం 150' ఫీవర్ మొదలైపోయింది. ట్రైలర్ రిలీజ్ అయ్యాక సోషల్ మీడియాలో బాస్ ఈజ్ బ్యాక్ ఊదృతి మరింత ఎక్కువ అయిపోయింది. రిలీజ్ డేట్ దగ్గర పడుతుండటంతో అభిమానులు పెద్ద ఎత్తున్న పండగ చేసేందుకు సిద్ధమైపోతున్నారు. ఈ క్రమంలో ఓ కంపెనీ ఖైదీ రిలీజ్ రోజున సెలవు ప్రకటించేయటం విశేషం.

ఈ చిత్రాన్ని చూసేందుకు తమ సంస్థ ఉద్యోగులు అత్యధికులు జనవరి 11న సెలవు పెడతారని భావించిన ఓ అరబ్ సంస్థ ఏకంగా సెలవు ప్రకటించింది. మస్కట్ లోని 'అల్ రియాద్ కన్ స్ట్రక్షన్ అండ్ ట్రేడింగ్ ఎల్ఎల్సీ' అనే సంస్థ 'బాస్ ఈజ్ బ్యాక్' అంటూ ఉద్యోగులకు సెలవు ఇచ్చింది. ఒమన్ లోని అల్-వాడీ ఎల్ కబీర్ కేంద్రంగా పనిచేస్తున్న ఈ సంస్థ నిర్మాణ రంగంలో సేవలందిస్తోంది.

సినీ ప్రియులకు మరో పండగొచ్చిందని చెబుతూ, మూవీ మొఘల్, కింగ్ ఆఫ్ కింగ్స్ ఆఫ్ తెలుగు ఫిల్మ్ ఇండస్ట్రీ చిరంజీవి 150వ చిత్రాన్ని తమ ఉద్యోగులు సెలబ్రేట్ చేసుకుంటారని పేర్కొంది. సినీ దిగ్గజం చిరంజీవిని దేవుడిలా కొలిచే ఉద్యోగుల కోసం సెలవు ప్రకటిస్తున్నట్టు వెల్లడించింది. కాగా, గత ఏడాది తలైవా రజనీకాంత్ 'కబాలీ' సినిమా సందర్భంగా విదేశాల్లోనే కాదు మన దేశంలో కూడా కొన్ని కంపెనీలు సెలవు ప్రకటించటం తెలిసిందే.

 

Holiday declared on Jan11th for Riyadh Construction Company on account of #KhaidiNo150 Release. కబాలి కి ఇలానే... @RGVzoomin @Shekar_News pic.twitter.com/aRRax4azyc

— #AkkuPakshi (@urstrulyRD) January 8, 2017

 

మరోవైపు సినిమాలో మరో పాత్ర రోల్ కు సంబంధించిన లుక్ ఒకటి తెగ వైరల్ అవుతోంది. ద్విపాత్రాభినయంలో దొంగ పాత్ర ఇప్పటికే వైరల్ అవుతుండగా, హైడ్రాలిక్ ఇంజనీరింగ్ పాత్రకు సంబంధించిన లుక్ రివీల్ అయిపోయింది. దాదాపు దశాబ్దం తర్వాత చిరు మళ్లీ వెండితెరపై దర్శనం ఇస్తుండటంతో అంచనాలు భారీగానే ఉన్నాయి.