ప్రమోషన్ తో జనాలను టార్చర్ పెడుతున్నారు

Posted: 09/07/2016 11:38 AM IST

Katrina kaif sidharth malhotra offloaded from flight at delhi airport

సెలబ్రిటీల మూలంగా సాధారణ ప్రజలు ఇబ్బందులు ఎదుర్కున్న సందర్భాలు అనేకం ఉన్నాయి. వారికి భద్రతా పేరిట సిబ్బంది చేసే అతి మూలంగా విమర్శలు వెలువెత్తుతున్న తీరు మాత్రం మారటం లేదు. ముఖ్యంగా నటీనటులు చిత్ర ప్రమోషన్ల కోసం రోడ్లెక్కి చేస్తున్న అతి వ్యవహారాలు ఇప్పుడు హాట్ టాపిక్ గా మారుతున్నాయి. సిద్ధార్థ మల్హోత్రా, కత్రినాలు వేస్తున్న వేషాలకు ఇప్పుడు చిర్రెత్తిపోతున్నారు జనాలు.

సెప్టెంబర్ 9న బార్ బార్ దేఖో విడుదల అవుతుండగా, చిత్ర ప్రమోషన్ల సందర్భంగా ఈ జంట రోడ్లెక్కి డాన్సులు, ఫోటోలతో తెగ హల్ చేస్తున్నారు. లోకల్ ట్రైన్ లు, రైల్వే స్టేషన్లు, రోడ్లు, బస్టాండ్లు ఇలా వేటికి వదలకుండా డాన్సులు చేస్తూ హడావుడి చేస్తున్నారు. దీంతో ట్రాఫిక్ జామ్, భద్రత పేరిట సాధారణ ప్రజానీకం తీవ్ర ఇబ్బందులు ఎదుర్కుంటున్నారు. ఈ క్రమంలోనే ఎయిర్ పోర్ట్ లో వీరు చేసిన వెర్రి చేష్టలకు ప్రయాణికులు తీవ్ర ఇబ్బందులు పడిన విషయం ఆసల్యంగా వెలుగులోకి వచ్చింది. అసలు విషయం ఏంటంటే... ఢిల్లీ నుంచి ముంబై వెళ్లాల్సిన ఎయిరిండియా ఫ్లైట్ ఏఐ-317లో వీరిద్దరూ సెప్టెంబర్ 5 రాత్రి జర్నీ చేయాల్సి ఉంది. ఫ్లైట్ షెడ్యూల్డ్ టైమ్ రాత్రి 9.40 కాగా.. సరైన సమయానికే కేట్ - సిద్ లు ఎయిర్ పోర్టుకు వచ్చారు.. బోర్డింగ్ పాస్ లు కూడా తీసుకున్నారు.

అయితే.. అక్కడి నుంచి ఫ్లైట్ దగ్గరకు మాత్రం రాలేదు. ఎయిరిండియా అధికారులు ఎన్ని సార్లు ఫైనల్ కాల్స్ ఇచ్చినా.. వీరు మాత్రం ఫ్లైట్ దగ్గరకు రాలేదు. ఇంతకీ విమానం ఎక్కుకుండా వీళ్లేం చేస్తున్నారంటే.. డ్యూటీ ఫ్రీ ఏరియాలో ఎంచక్కా తమ లేటెస్ట్ మూవీ 'బార్ బార్ దేఖో' చిత్రాన్ని ప్రమోట్ చేసుకుంటున్నారు. ఫ్యాన్స్ తో టైమ్ స్పెండ్ చేస్తున్నారు. ఇదంతా తెలిసినా 10.45వరకూ ఫ్లైట్ ను నిలిపి ఉంచారు అధికారులు. చివరికి హడావుడి ముగిశాక తాపీగా వీరిద్దరు ఫ్లైట్ ఎక్కకుండా వెళ్లిపోయారు. ఆ తర్వాత అదంతా చిత్ర ప్రమోషన్ కోసమేనని తెలియటంతో ప్రయాణికులు ఆగ్రహాం వ్యక్తంచేసినప్పటికీ ఫ్లైట్ కదలటంతో కాస్త శాంతించారు. ఈ విషయంపై ఎలాంటి ఫిర్యాదు అందకపోవటంతో అధికారులు కూడా లైట్ తీస్కున్నారు.