అజిత్ సినిమాకి మెగాస్టార్ ప్రొడ్యూసర్

Posted: 07/12/2016 04:20 PM IST

తమిళ్ స్టార్ హీరో ‘తలా’ అజిత్ ప్రస్తుతం తన 57వ చిత్రంలో బిజీగా ఉన్నాడు. కాజల్ హీరోయిన్ గా వీరమ్, వేదాలం దర్శకుడు శివతోనే ఆ చిత్రం తీస్తున్నారు. అదే సమయంలో కోలీవుడ్ వర్గాల్లో చక్కర్లు కొడుతున్న ఓ వార్త భీభత్సమైన ఆసక్తిని రేకెత్తిస్తోంది. అజిత్ 58వ చిత్రం ఇద్దరు స్టార్ డైరక్టర్లలో ఒకరితో ఉండొచ్చనే వార్తలు వచ్చాయి. ఇంతకీ దీనిని నిర్మించబోయేది ఎవరో తెలుసా? బాలీవుడ్ నట దిగ్గజం అమితాబ్.

యస్... బాలీవుడ్ మెగాస్టార్ అమితాబ్ బచ్చన్ ఈ సినిమాకు నిర్మాతగా వ్యవహరించబోతున్నారని తెలుస్తోంది. గతంలో అజిత్ - విక్రమ్ కథానాయకులుగా వచ్చిన 'ఉల్లాసం' చిత్రాన్ని నిర్మించిది అమితాబే. మళ్లీ ఇంతకాలానికి ఆయన ఓ తమిళ సినిమాను నిర్మించడం, అది కూడా తలాతో కావటంతో ప్రేక్షకుల్లో అంచనాలు ఆకాశాన్ని అంటుతున్నాయి.

ఇక దర్శకులుగా అట్లీ .. విష్ణువర్ధన్ పేర్లు వినిపిస్తున్నాయి. గతంలో విష్ణువర్ధన్ - అజిత్ ల కాంబినేషన్లో వచ్చిన సినిమాలు ఘన విజయాలను అందుకున్నాయి. రాజారాణితోనే గాక విజయ్ తో చేసిన 'పోలీస్' సినిమాతో బాక్సాఫీస్ దగ్గర అట్లీ తన సత్తా చూపించాడు. ఈ నేపథ్యంలో ఈ ఇద్దరిలో ఆ లక్కీ చాన్స్ అమితాబ్ ఎవరికి ఛాన్స్ ఇస్తారో వెయిట్ అండ్ సీ.