కొంచెం ఓపికగా వుంటే ఫుల్ పబ్లిసిటీ

Posted: 06/07/2016 04:09 PM IST

తెలుగులో వరుస సినిమాలతో బిజీగా వున్న స్టార్ హీరోయిన్ రకూల్ ప్రీత్ సింగ్. ఇటీవలే ‘సరైనోడు’తో మరో హిట్టును సొంతం చేసుకుంది. ఈ సినిమాతో తెలుగులోనే కాకుండా మలయాళంలో కూడా మంచి మార్కులు కొట్టేసింది. ప్రస్తుతం రాంచరణ్ సరసన ‘ధృవ’ సినిమాలో హీరోయిన్ గా నటిస్తుంది.

అయితే ఈ అమ్మడు ఓ ఈవెంట్ లో పాల్గొనడానికి అమెరికా వెళ్లగా.. అక్కడ గాయపడింది. ఈ విషయం తెలుసుకున్న మీడియా వాళ్లంతా కూడా ‘రకుల్ కాలికి మరియు భుజాలకు తీవ్ర గాయాలయ్యాయి’ అంటూ తెగ వార్తలు రాసేస్తున్నారు. చివరకు ఈ వార్త రకుల్ చెవిలో పడి ఈ గాయలకు తనదైన శైలిలో పర్ఫెక్ట్ క్లారిటీ ఇచ్చేసింది.

రకుల్ తన సోషల్ మీడియా అకౌంట్ ద్వారా స్పందిస్తూ... తనకు గాయాలైన వార్త నిజమే.. అది కూడా మెడకు మాత్రమే కానీ భుజానికి మరియు కాళ్లకు కాదు. ఆ గాయం తగ్గి మళ్లీ షూటింగ్ లో పాల్గొనబోతున్నాను అంటూ ప్రకటించింది. రకుల్ క్షేమమని తెలుసుకున్న ఫ్యాన్స్ ఆనందం వ్యక్తం చేస్తున్నారు.

నిజానికి ఈ క్లారిటీ ఇవ్వకపోయి వుంటే మరో రెండు, మూడు రోజుల వరకు మీడియాలో ఇదే రచ్చ రచ్చ అయ్యేది. దీనివల్ల రకుల్ మరింత పాపులర్ అయ్యేది. కానీ అలాంటి బ్యాడ్ పబ్లిసిటీ ఇష్టపడని రకుల్ వెంటనే స్పందించడం.. నిజంగా గ్రేట్.

- Sandy