చైతూ పెళ్లి రిసెప్షన్ వేడుక

Posted: 05/10/2016 05:06 PM IST

మలయాళంలో బ్లాక్ బస్టర్ హిట్టయ్యిన ‘ప్రేమమ్’ చిత్రాన్ని తెలుగులో అదే పేరుతో రీమేక్ చేస్తున్న విషయం తెలిసిందే. ఈ రీమేక్ లో అక్కినేని నాగచైతన్య హీరోగా నటిస్తున్నాడు. అనుపమ పరమేశ్వరన్, శృతిహాసన్, మడోన్నా సెబాస్టియన్ లు హీరోయిన్లుగా నటిస్తున్నారు.

ఇప్పటికే శృతిహాసన్, నాగచైతన్యలకు సంబంధించిన షూటింగ్ పూర్తయ్యింది. ప్రస్తుతం చైతూ-మడోన్నాలకు మధ్య క్లైమాక్స్ సన్నివేశాలను చిత్రీకరిస్తున్నారు. వీరిద్దరి వెడ్డింగ్ రిసెప్షన్ కార్యక్రమాల చిత్రీకరణ జరుగుతోంది. ఈ సినిమాకు సంబంధించిన కొన్ని ఫోటోలు ఇటీవలే సోషల్ మీడియాలో సందడి చేస్తున్నాయి.

మలయాళంలో ‘ప్రేమమ్’ సినిమాలో హీరోహీరోయిన్లు ఎలాంటి లుక్ తో కనిపించారో.. ఈ రీమేక్ లో కూడా అలాగే చూపిస్తున్నారు తప్ప కొత్తగా ఏం చూపించడంలేదని అనుమానాలు కలుగుతున్నాయి. ఇలా దాదాపు అన్ని విషయాల్లో ఆ సినిమా పోలీకలు కనిపించడంతో... కొత్తగా ఎలాంటి తేడా కనిపించట్లేదని వార్తలు వినిపిస్తున్నాయి.

ప్రస్తుతం ఈ చిత్ర షూటింగ్ చివరి దశకు చేరుకుంది. చందు మొండేటి దర్శకత్వంలో రూపొందుతున్న ఈ బ్యూటీఫుల్ లవ్, రొమాంటిక్ ఎంటర్ టైనర్ ను త్వరలోనే ప్రేక్షకుల ముందుకు తీసుకురానున్నారు.