జోరుమీదున్న బ్రహ్మోత్సవం

Posted: 05/07/2016 10:13 AM IST

సూపర్ స్టార్ మహేష్ బాబు అభిమానులు ఎంతో ఆతృతగా ఎదురుచూస్తున్న తరుణం రానే వచ్చేసింది. ‘శ్రీమంతుడు’ వంటి బ్లాక్ బస్టర్ హిట్ తర్వాత మహేష్ నటిస్తున్న తాజా చిత్రం ‘బ్రహ్మోత్సవం’. ‘సీతమ్మ వాకిట్లో సిరిమల్లె చెట్టు’ తర్వాత మరోసారి దర్శకుడు శ్రీకాంత్ అడ్డాల, మహేష్ బాబు కాంబినేషన్లో రూపొందుతున్న ‘బ్రహ్మోత్సవం’పై భారీ అంచనాలు నెలకొన్నాయి.
Also Read: బ్రహ్మోత్సవం ఆడియో ట్రాక్ లిస్ట్ 
భారీ బడ్జెట్ తో పివిపి బ్యానర్ పై పరల్.వి.పోట్లూరి నిర్మిస్తున్న ఈ సినిమాకు మిక్కీ.జే.మేయర్ సంగీతం అందిస్తున్నారు. ఈరోజు సాయంత్రం హైదరాబాద్ లో, అభిమానుల సమక్షంలో ఈ చిత్ర ఆడియో విడుదల కార్యక్రమం గ్రాండ్ గా జరుగనుంది. ఇందులో మొత్తం 7 పాటలున్నాయి. ఆడియో విడుదల కంటే ముందుగానే సందడి బాగా పెరిగిపోయింది.

ఈ సినిమాలోని ఫోటోలు, పోస్టర్లు, వర్కింగ్ స్టిల్స్, మేకింగ్ వీడియోలను విడుదల చేసారు. ఇవన్నీ కూడా సినిమాపై వున్న అంచనాలను భారీగా పెంచేస్తున్నాయి. మహేష్ సరసన కాజల్, ప్రణీత, సమంత హీరోయిన్లుగా నటిస్తున్నారు. పూర్తిస్థాయి కుటుంబ కథాచిత్రంగా రూపొందుతున్నట్లుగా కనిపిస్తోంది. మహేష్ అభిమానులు ఫుల్ ఖుషీలో వున్నారు. ఈ సినిమా తప్పకుండా బ్లాక్ బస్టర్ హిట్టవుతుందనే నమ్మకంతో వున్నారు.
Also Read: ‘బ్రహ్మోత్సవం’కు ఆ భయంతోనేనా?
ఇప్పటికే విడుదలైన ‘వచ్చింది కదా అవకాశం...’ అనే పాటకు మంచి రెస్పాన్స్ వచ్చింది. ప్రస్తుతం పోస్ట్ ప్రొడక్షన్ వర్క్స్ శరవేగంగా జరుగుతున్నాయి. ఈరోజు ఆడియో వేడుకలో ఈ చిత్ర థియేటర్ ట్రైలర్ ను కూడా విడుదల చేయనున్నారు. త్వరలోనే సినిమాను ప్రేక్షకుల ముందుకు తీసుకురానున్నారు.