జూన్ 8న బాహుబలి ఫస్ట్ పార్ట్ విడుదల..?

Posted: 05/01/2016 03:53 PM IST

Baahubali gets another international release

తెలుగు సినిమా ఖ్యాతిని ప్రపంచవ్యాప్తంగా నిరూపించిన బ్లాక్ బస్టర్ మూవీ 'బాహుబలి'. ఈ మూవీ వచ్చే జూన్ 8న ఫ్రాన్స్ లో విడుదల కానుంది. ఈ మేరకు బాహుబలి పేరుతో ఉన్న అధికారిక ట్విట్టర్ లో పోస్ట్ చేశారు. జేసూస్ బాహుబలి అనే పేరుకు హ్యాష్ ట్యాగ్ పెట్టి, 'బాహుబలి - ది బిగినింగ్' విడుదల వివరాలను పోస్ట్ లో పేర్కొన్నారు. ఈ సినిమా విడుదలకు ముందు నుంచే ఎన్నో సంచలనాలు నమోదు చేస్తూ వచ్చింది.

ప్రపంచవ్యాప్తంగా చాలా దేశాల్లో బాహుబలి విడుదలై రికార్డుల వర్షం కురిపించింది. టాలీవుడ్ సక్సెస్ ఫుల్ డైరెక్టెర్ ఎస్.ఎస్.రాజమౌళి ప్రస్తుతం ఈ మూవీ రెండో భాగం షూటింగ్స్ లో బిజిగా ఉన్నాడు. ప్రభాస్, రానా దగ్గుబాటి, అనుష్క, తమన్నా, నాజర్, సత్యరాజ్ కీలకపాత్రలు పోషించిన ఈ మూవీ ఫ్రాన్స్ లో విడుదలై మరిన్ని విజయాలు సాధిస్తుందని ఆ మూవీ యూనిట్ భావిస్తుంది.

మనోహర్