పనిపాట లేదంటున్న ‘సరైనోడు’

Posted: 04/20/2016 01:02 PM IST

అల్లు అర్జున్ కు ఎలాంటి పనిపాట లేదట.. రోజుకు ఇద్దరిని మాత్రం ఖచ్చితంగా కుమ్మేస్తాడట... ఎంటీ అల్లు అర్జున్ కు పనిపాట లేకపోవడమేంటి? రోజు ఇద్దరిని కుమ్మడమేంటనీ అనుకుంటున్నారా? ఏమో మరి ఈ విషయాన్ని స్వయంగా అల్లు అర్జున్ చెప్పుకొచ్చాడు. అల్లు అర్జున్, రకుల్ ప్రీత్ సింగ్, కెథరిన్ థ్రెసా హీరోహీరోయిన్లుగా నటించిన తాజా చిత్రం ‘సరైనోడు’. విడుదల తేది దగ్గరపడుతుండటంతో ఈ చిత్రంలోని పలు సీన్లను విడుదల చేస్తూ ప్రమోట్ చేస్తున్నారు చిత్ర యూనిట్.

ఈ సినిమాలో ఓ లవ్లీ కామెడీ సీన్ ను విడుదల చేసారు. ఇందులో రకుల్, అల్లు అర్జున్ ల మధ్య వచ్చే లవ్లీ కామెడీ సీన్ బాగుంది. రకుల్ వాయిస్ బాగుంది. ఇక సినిమా విషయానికొస్తే.... బోయపాటి శ్రీను దర్శకత్వంలో వస్తున్న ఈ ‘సరైనోడు’ చిత్రాన్ని గీతా ఆర్ట్స్ బ్యానర్ పై నిర్మాత అల్లు అరవింద్ నిర్మించారు.

థమన్ సంగీతం అందించిన పాటలు, వీడియోలు, ట్రైలర్లకు మంచి రెస్పాన్స్ వస్తోంది. తాజాగా ఈ చిత్ర సెన్సార్ కార్యక్రమాలను పూర్తిచేసుకుంది. సెన్సార్ బోర్డ్ సభ్యులు ‘సరైనోడు’కు U/A సర్టిఫికెట్ ను అందజేసారు. భారీ అంచనాలతో రూపొందిన ఈ చిత్రాన్ని ప్రపంచ వ్యాప్తంగా తెలుగు, మలయాళం భాషలలో గ్రాండ్ ఏప్రిల్ 22న విడుదల చేయనున్నారు. మరి ఈ సినిమా ఎలాంటి రికార్డులను కొల్లగొట్టి, ఎంత కలెక్షన్లు రాబట్టనుందో చూడాలి.