అమ్మో నైనిక.. హీరోయిన్లు చేయలేని పని చేసేస్తుంది..

Posted: 04/10/2016 04:45 PM IST

Child artiste nainika own dubbing for theri

బాలనటిగా చిత్రసీమలోకి ఎంట్రీ ఇచ్చి.. తొలి చిత్రంతోనే తనదైన ముద్రవేసుకుని ఆ తరువాత హీరోయిన్ గా ఎంట్రీ ఇచ్చి తెలుగు ప్రేక్షకుల మదిలో సుస్థిర స్థానాన్ని ఏర్పర్చుకున్న నటి మీనా టాలీవుడ్ చిత్రసీమకు ఓ వరమనే చెప్పంచ్చు, అయితే అమె తరహాలోనే అమె కూతరు నైనిక కూడా బాలనటిగా కోలీవుడ్ చిత్రసీమలో ఎంట్రీ ఇచ్చింది, అచ్చం తల్లి మాదిరేగానే అనుకుంటున్నారా, అంతేకాదు, హీరోయిన్లుగా ఎంట్రీ ఇచ్చిన వారు కూడా చేయని సాహసం ఈ బాలనటి.

తన తొలి సినిమాకే సొంతం గొంతుతో డబ్బింగ్ చెప్పుకొని అందరినీ ఆశ్చర్యపరుస్తోంది. తమిళ స్టార్ హీరో విజయ్ హీరోగా తెరకెక్కుతున్న లేటెస్ట్ ఎంటర్టైనర్ తేరి. ఇప్పటికే షూటింగ్ పూర్తి చేసుకున్న ఈ సినిమా, నిర్మాణాంతర కార్యక్రమాలు జరుపుకుంటోంది. ఈ సందర్భంగా ఈ సినిమాలో బాలనటిగా నటించిన నైనిక డబ్బింగ్ చెపుతున్న ఫోటోనూ ట్విట్టర్లో పోస్ట్ చేశాడు చిత్ర దర్శకుడు అట్లీ. విజయ్ సరసన సమంత హీరోయిన్గా నటించిన తేరి ఏప్రిల్ 14న గ్రాండ్గా రిలీజ్ అవుతోంది. తెలుగులోనూ ఈ సినిమాను పోలీసోడు పేరుతో డబ్ చేసి రిలీజ్ చేస్తున్నారు.

మనోహర్