సన్నీలియోన్ రేటు అడిగి చెంప చెల్లుమనిపించుకున్నాడు

Posted: 03/25/2016 03:58 PM IST

బాలీవుడ్ ఐటం బ్యూటీ, ఒకప్పటి పోర్న్ స్టార్ సన్నీలియోన్ ను గతం వెంటాడుతూనే వుంది. అరె పోర్న్ సినిమాలకు స్వస్తిపలికి.. బాలీవుడ్ లో వరుస సినిమాలతో బిజీగా వున్న ఈ అమ్మడికి ఓ రిపోర్టర్ చిర్రెత్తుకొచ్చే పనిచేసాడు. దీంతో ఆ రిపోర్టర్ చెంపచెల్లుమనిపించింది సన్నీలియోన్. అసలు ఏం జరిగింది? కొట్టేంత తప్పు అతడు ఏం చేసాడు?

వివరాల్లోకి వెళితే... తాజాగా హోలీ సంధర్భంగా గురువారం ‘సన్నీలియోన్ తో హోలీ’ అనే ఈవెంటు నిర్వహించారు. ఈ సంధర్భంగా ఓ ఛానెల్ కు చెందిన రిపోర్టర్ ఇంటర్వ్యూ చేసాడు. ఇపుడు హీరోయిన్ అయ్యారు కదా... మరి రాత్రి కార్యక్రమాలకు ఎంత తీసుకుంటున్నారు? అంటూ డబల్ మీనింగ్ వచ్చేలా ప్రశ్నించాడు. దీంతో సన్నీలియోన్ కు ఎక్కడలేని కోపం వచ్చేసి, అతని చెంప చెల్లుమనిపించింది.

ఈ సంఘటనతో అక్కడ అంతా గందరగోళం ఏర్పడింది. రిపోర్టర్లు లేకుంటేనే తాను ఈ షో చేస్తానని నిర్వాహాకులతో సన్నీలియోన్ గొడవపడింది. ఇక చేసేదేమిలేక రిపోర్టర్లందరిని నిర్వాహకులు బయటకు పంపించేసారు. కాసేపటి తర్వాత కూల్ అయ్యి.. సన్నీలియోన్ ఈవెంటులో తన ఆటపాటలతో ఎంజాయ్ చేసింది. మొత్తానికి తన ‘పోర్న్ స్టార్’ ముద్ర ఇప్పటికీ వదలడం లేదు.