బాలీవుడ్ జర్నలిస్ట్ కు ‘సర్దార్’ స్పెషల్ గిఫ్ట్

Posted: 03/22/2016 04:06 PM IST

పవర్ స్టార్ పవన్ కళ్యాణ్ ‘సర్దార్ గబ్బర్ సింగ్’ చిత్రంతో బాలీవుడ్ లోకి కూడా ఎంట్రీ ఇస్తున్న విషయం తెలిసిందే. తన సినిమాల ప్రమోషన్స్ కార్యక్రమంలో ఎప్పుడూ పాల్గొనని పవన్ కళ్యాణ్... ఈసారి ‘సర్దార్’తో ప్రమోషన్ కార్యక్రమాల్లో కూడా పాల్గొనడంలో బిజీ అయ్యాడు. ఇటీవలే ‘సర్దార్ గబ్బర్ సింగ్’ చిత్ర షూటింగ్ సమయంలో బాలీవుడ్ ఫిల్మ్ రిపోర్టర్ అనుపమ చోప్రాకు స్పెషల్ ఇంటర్వ్యూ ఇచ్చిన విషయం తెలిసిందే.

ఆ ఇంటర్వ్యూకు భారీ రెస్పాన్స్ వచ్చింది. అయితే తాజాగా మరో హిందీ జర్నలిస్ట్ అజయ్ బ్రహ్మత్మజ్ కు పవన్ కళ్యాణ్ ఇంటర్వ్యూ ఇచ్చారు. ఈ సంధర్భంగా అజయ్ కు పవన్ ఓ మెమొరబుల్ బహుమతిని కూడా ఇచ్చాడు. ఈ విషయాన్ని అజయ్ తన సోషల్ మీడియా అకౌంట్ ట్విట్టర్ ద్వారా తెలియజేసాడు. ఈ సంధర్భంగా పవన్ కళ్యాణ్ కు అజయ్ కృతజ్ఞతలు తెలియజేసాడు. అలాగే తాను చేసిన ఇంటర్వ్యూ జాగరన్ న్యూస్ లో పబ్లిష్ అయినట్లుగా అజయ్ చెప్పుకొచ్చాడు.

ఇక తెలుగులో కూడా ఇంటర్వ్యూలు ఇవ్వడానికి పవన్ కళ్యాణ్ సిద్ధమవుతున్నాడు. ఇప్పటికే విడుదలైన ట్రైలర్లు, పాటలకు భారీ రెస్పాన్స్ వస్తోంది. బాబీ దర్శకత్వంలో రూపొందుతున్న ఈ చిత్రానికి దేవిశ్రీప్రసాద్ సంగీతం అందిస్తున్నాడు. ఈ చిత్రాన్ని ప్రపంచ వ్యాప్తంగా తెలుగు, హిందీ భాషలలో ఏప్రిల్ 8న గ్రాండ్ గా విడుదల చేయనున్నారు.

@PawanKalyan thanks for your precious gift and time.your signature in hindi,english n telugu on same page for fans. pic.twitter.com/3W6c7MYagS

— Ajay Brahmatmaj (@brahmatmajay) March 22, 2016