ఎన్టీఆర్ కన్నడ ‘గెలియా గెలియా’ సాంగ్ కిరాక్

Posted: 03/18/2016 11:19 AM IST

కన్నడ పవర్ స్టార్ పునీత్ రాజ్ కుమార్ నటిస్తున్న 25వ చిత్రం ‘చక్రవ్యూహా’. ఈ చిత్రంలో యంగ్ టైగర్ ఎన్టీఆర్ ‘గెలియా గెలియా...’ అనే పాటను పాడిన విషయం తెలిసిందే. తాజాగా ఈ చిత్ర ఆడియోను విడుదల చేసారు. థమన్ సంగీతం అందించిన ఈ పాటలకు మంచి రెస్పాన్స్ వస్తోంది. ఇందులో మొత్తం 4 పాటలున్నాయి.

ఇందులో ఎన్టీఆర్ పాడిన ‘గెలియా గెలియా...’ పాట మేకింగ్ వీడియోను విడుదల చేసారు. ఈ పాటకు మంచి రెస్పాన్స్ వస్తోంది. ఈ సినిమాపై భారీ అంచనాలే నెలకొన్నాయి. కమర్షియల్ యాక్షన్ డ్రామాగా రూపొందుతున్న ఈ చిత్రంలో పునీత్ సరసన రచిత రామ్ హీరోయిన్ గా నటిస్తుంది. ఈ చిత్రం త్వరలోనే ప్రేక్షకుల ముందుకు రానుంది.

ఇక ప్రస్తుతం ఎన్టీఆర్ హీరోగా నటిస్తున్న ‘జనతా గ్యారేజ్’ చిత్ర షూటింగ్ శరవేగంగా జరుగుతోంది. కొరటాల శివ దర్శకత్వంలో రూపొందుతున్న ఈ చిత్రంలో మలయాళ సూపర్ స్టార్ మోహన్ లాల్ కీలక పాత్రలో నటిస్తున్నారు. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.