సెన్సార్ పూర్తి చేసుకున్న మనోజ్ ‘శౌర్య’

Posted: 03/02/2016 12:42 PM IST

మంచు మనోజ్, రెజీనా జంటగా దశరథ్ దర్శకత్వంలో రూపొందిన తాజా చిత్రం ‘శౌర్య’. బేబీ త్రిష సమర్పణలో సురక్ష్ బ్యానర్లో మ‌ల్కాపురం శివ‌కుమార్ నిర్మించారు. వేద సంగీతం అందించిన పాటలు ఇప్పటికే విడుదలై మంచి టాక్ ను సొంతం చేసుకున్నాయి.

తాజాగా ఈ చిత్రం సెన్సార్ కార్యక్రమాలను పూర్తి చేసుకొని, విడుదలకు సిద్ధమయ్యింది. సెన్సార్ వారు ఈ చిత్రానికి U/A సర్టిఫికెట్ ను అందజేసారు. లవ్, రొమాంటిక్ థ్రిల్లర్ గా రూపొందిన ఈ సినిమాపై భారీ అంచనాలే నెలకొన్నాయి. ఇటీవలే విడుదలైన ట్రైలర్లు, వీడియోలకు మంచి రెస్పాన్స్ వచ్చింది.

కమర్షియల్ హంగులతో రూపొందిన ఈ చిత్రాన్ని మార్చి 4న ప్రపంచ వ్యాప్తంగా, గ్రాండ్ గా విడుదల చేస్తున్నారు. మరి ఈ సినిమా మనోజ్ కు ఎలాంటి విజయం సాధించనుందో చూడాలి.